प्रसिद्ध गीतकार भीम धितालको रचनामा रहेको गीत ‘तिमी त साँच्चै ब्युटिफुल’ को भिडिओ सार्वजनिक भएको छ l सर्जक भीमकै अफिसियल युट्युब च्यानल Bhim Dhital Official बाट भिडिओ डिजिटल बजारमा आएको हो l लोकप्रिय गायिका रिता के.सी. र टेक बी.सी. को युगल स्वरमा रहेको रोमान्टिक भावको यस गीतमा भीम बी.सी. को सङ्गीत र केशव बडूको सङ्गीत संयोजन रहेको छ l
भीम धिताल ‘स्माइल’को कथा, लेखन तथा निर्देशन एवं राजिव समरको कोरियोग्राफीमा छायाङ्कन भएको यस म्युजिक भिडिओमा सुन्दर घलान, विनिता घलान र श्रेया बडूले नृत्य/अभिनय गरेका छन् भने अजय रेग्मी छायाकारको रुपमा रहेका छन् l भिडिओको दृश्य तथा रङ्ग सम्पादन टेकेन्द्र शाहले गरेका हुन् l
