राज टाइगर र जानु कार्की अभिनित म्युजिक भिडिओ ‘एउटै चाहना’ सार्वजनिक भएको छ । अन्नु चौधरी र जीवन प्रधानाङ्गको स्वर, डिबी लामाको शब्द/सङ्गीत, विशाल निरौलको म्युजिक एरेञ्ज र रञ्जित राईको मिक्सिङ एवं माष्टरिङ रहेको गीतको भिडिओ सार्वजनिक भएको हो ।
गीतमा आफूले मन पराएको मान्छेसँग सँगसँगै जिउने चाहना रहेको भाव व्यक्त गरिएको छ । गीतमा शब्द जति प्रेमिल छन् भिडिओमा त्यति नै सुन्दर दृश्यहरू कैद गरिएको छ । केशवराज भट्टको कोरियोग्राफी एवं निर्देशन रहेको यस गीतको भिडिओमा नवराज उप्रेतीको छायाङ्कन र प्रकाश दाहालको सम्पादन रहेको छ । भिडिओ सदिक्षा फिल्मस् नामक युट्युब च्यानल मार्फत सार्वजनिक गरिएको हो ।
