-तुलसी गिरी ‘भावुक’
सुप्रसिद्ध गायिका अन्जना गुरुङको रचना, सङ्गीत र स्वरमा रहेको गीत ‘यस्तै हो मायामा’ को भिडिओ डिजिटल बजारमा आएको छ l गायिका अन्जनाकै आधिकारिक युट्युब च्यानल Anjana Gurung बाट शुक्रबार सार्वजनिक भएको यस म्युजिक भिडिओमा उदियमान कलाकार अपेक्षा सिंहको आकर्षक नृत्य/अभिनय रहेको छ l राकेश सोनीको म्युजिक एरेन्ज र श्यामश्वेत रसाईलीको मिक्सिङ् रहेको यो म्युजिक भिडिओ प्रसिद्ध निर्देशक गम्भीर विष्टको कोरियोग्राफी एवं निर्देशनमा छायाङ्कन भएको हो भने भिडिओका छायाकार एवं सम्पादक पवन सुस्लिङ हुन् l
वर्तमान परिप्रेक्ष्य र युवा भावना लक्षित यस गीतमा एक-अर्कालाई माया गर्ने प्रेमीजोडी बीचमा के कस्ता उतारचढावहरु आउन सक्छन् भन्ने कुरा पोखिएको छ l प्रेम आँसु-हाँसो, पाउनु-गुमाउनु र जित्नु-हार्नुको सङ्गम भएको कुरा गीतमा भनिएको छ l कति प्रेमका आयु छोटा हुन्छन् त कतिपय प्रेम जीवन पर्यन्त रहन्छन् l कतिका प्रेम देखावटी त कतिका शाश्वत गीतले भनेको छ l प्रेममा जे जस्ता उतारचढाव आए पनि ‘यस्तै हो मायामा’ चिन्ता नगर्न सुझाव दिइएको छ l
