अव्यक्त प्रेमको पीडामा राज सागर

-तुलसी गिरी ‘भावुक’

प्रतिभाशाली सर्जक/कलाकार राज सागरको सङ्गीत तथा स्वरमा रहेको गीत ‘सकिनँ’ को भिडिओ रिलिज भएको छ l भिडिओ DRPP Creations नामक युट्युब च्यानलबाट बुधबार डिजिटल बजारमा आएको हो l डा.प्रकाश पौडेलको शब्दरचनामा रहेको यस गीतमा सन्जिव बराईलीले सङ्गीत संयोजन गरेका छन् भने दीप घतानीको मिक्सिङ/माष्टरिङ रहेको छ l

‘सकिनँ’ को भिडिओ बिजेश र राजनको संयुक्त निर्देशनमा छायाङ्कन भएको हो l जसमा महेश खड्का र श्रीषा कुँवरले अभिनय गरेका छन् भने सङ्गीतकार/गायक राज सागरलाई पनि देख्न सकिन्छ l भिडिओमा शिवराम श्रेष्ठको सिनेम्याटोग्राफी र विजेश पौडेलको सम्पादन रहेको छ l गीतमा एकतर्फी प्रेम, व्यक्त गर्न नसकेको अवस्था र त्यस परिस्थितिबाट उत्पन्न मानसिक पीडा, वेचैनी र छटपटीलाई सुन्दर ढङ्गमा पोखिएको छ l

गीत-सङ्गीतका प्रमुख दुई विधा अर्थात सङ्गीत र गायनलाई समानान्तर ढङ्गमा अगाडि बढाईरहेका सर्जक/कलाकार राज सागर हरेक विधाका गीत गायनमा उत्तिकै पोख्त भएपनि विशेषगरी आधुनिक गीत र गजल गायनको क्षेत्रमा उनको विशिष्ट पहिचान रहेको छ l