नेपाली सङ्गीत क्षेत्रका अग्रज गीतकार रत्न सम्शेर थापाको एकल रचना र अग्रज सङ्गीतकार शक्ति बल्लभको एकल सङ्गीतमा रहेको गीतसङ्ग्रह ‘आफ्नै गाउँ फर्कि आएँ‘ सार्वजनिक भएको छ । म्यूजिक नेपालले पुराना नेपाली चलचित्रका पन्ध्रवटा गीतहरु सङ्कलन गरेर यो गीतसङ्ग्रह तयार पारेको हो ।
‘आफ्नै गाउँ फर्कि आएँ‘ शीर्षको यो एल्वम म्युजिक नेपालले ‘गोल्डेन कलेक्शन‘ सिरिजको रुपमा प्रकाशन गरेको छ भने एल्बममा समावेश गीतका भिडियो म्युजिक नेपालकै युट्युब च्यालन मार्फत सार्वजनिक भएका छन् ।
एल्बममा चलचित्र सिमानाको ‘उकाली ओराली गर्दै‘ र ‘फूलको डाली डालीमा, जमिनको ‘डाँडापाँखा‘, अवतारको ‘नयाँ मनोहर‘, चोखो मायाको ‘सप्तरङ्गी फूलै फुल्यो र ‘चुमेर सुगन्धी फूल, रणभूमिको ‘सजाई सपना‘, घर संसारको ‘मस्तीमा झुमी‘, राजकुमारको ‘त्यो नयनको‘ लगायतका गीत समावेश गरिएको छ ।
