विगत ६२ वर्षदेखि नेपालीकला, साहित्य तथा संस्कृतिका क्षेत्रमा क्रियाशील संस्था ‘नवीन कला मन्दिर’ ले प्रसिद्ध चलचित्र पत्रकार तथा गीतकार शान्तिप्रियलाई सम्मान गरेको छ । आज काठमाडौंमा आयोजित ‘नवीन कला सम्मान एवम् सांस्कृतिक कार्यक्रम’ का बीच शान्तिप्रियलाई सम्मान गरिएको हो । वि.सं. २०१३ सालमा स्थापना भएको नवीन कला मन्दिरले आफ्नो ६२ औं वार्षिकोत्सवका अवसरमा सम्मान प्रदान गरेको हो । कार्यक्रममा प्रसिद्ध गीतकार रत्न शम्शेर थापा, प्रसिद्ध गायिका ज्ञानु राणा एवम् प्रसिद्ध अभिनेत्री शकुन्तला शर्मा सहित शान्तिप्रिय सम्मानित भएका हुन् ।
सांस्कृतिक जागरण हाम्रो अभियान मूल नाराका साथ अघि बढेको नवीन कला मन्दिरले गरेको यस सम्मान कार्यक्रममा काठमाडौं महानगरपालिकाका मेयर विद्या सुन्दर शाक्य प्रमुख अतिथिका रुपमा उपस्थित भएका थिए ।
शान्तिप्रियलाई विगत साँढे दुई दशकदेखि अनवरत रुपमा रङ्ग पत्रकारिता एवं गीत लेखनका माध्यमबाट नेपाली कला संस्कृति, चलचित्र तथा गीत सङ्गीत क्षेत्रको श्रीवृद्धिका निमित्त महत्वपूर्ण योगदान पु¥याए वापत योगदानको उच्च मूल्यांकन गर्दै सम्मान गरिएको संस्थाले बताएको छ ।
संस्थाका अध्यक्ष निर्मल रिमालको अध्यक्षतामा सम्पन्न सो कार्यक्रमको संचालन गायक-सङ्गीतकार नरहरि प्रेमीले गरेका थिए ।
