काठमाडौं– पप, आधुनिक तथा चलचित्रका गीतमा स्वर दिईरहेका लोकप्रिय गायिकाद्वय जुना प्रसाईं तथा प्राश्ना शाक्यले तीजको पूर्व सन्ध्या पारेर आफ्नो नयाँ तीज गीतको म्युजिक भिडियो सार्वजनिक गरेका छन् । ‘तीज आयो आफूलाई चै अर्कै व्यथा छ…’ शीर्षकको सो गीतमा शिव हमालको शब्द तथा संगीत छ । गीतमा विश्वास नेपालले संगीत संयोजन गरेका छन् ।
युवराज वाइवाद्वारा निर्देशित उक्त गीतको म्युजिक भिडियोमा जुना र प्राश्नाले नै आकर्षक नृत्य गरेका छन् । भिडियोमा उनीहरुलाई अभिनेता ध्रुव न्यौपानेले साथ दिएका छन् ।‘लोक तथा दोहोरी गीतमा त्यति अभ्यस्त नभए पनि तीज आएपछि हामी आफैं उत्साहित हुन्छौं’ गायिकाद्वयले भने ।
गायिका प्रसाईं तथा शाक्यका अनुसार उनीहरु विगत केही वर्षदेखि लगातार रुपमा तीजका गीत गाइरहेका छन् । उनीहरुका गीतलाई दर्शक तथा स्रोताले पनि सकारात्मक रुपले ग्रहण गरेका छन् ।
मनिता गहतराजद्वारा कोरियोग्राफी गरिएको उक्त भिडियोलाई उत्सव दाहालले छायांकन गरेका हुन् भने निशान घिमिरेले भिडियोको सम्पादन गरेका छन् । हाइलाइट्स नेपालको यूट्युब च्यानलबाट भिडियो अपलोड गरिएको छ ।
