म्याग्देली प्रवासी संघ ( मोना ) बेल्जियमले बेल्जियमको आन्तोर्पेनमा आयोजना गरेको साँस्कृतिक कार्यक्रममा लोकप्रिय गायिका कृष्णा परियार अनि गायक राजन भुजेलले बेल्जियमवासीलाई नचाएका हुन् ।
गायिका कृष्णाले उनका चर्चित गीत रुमाल धोको छु , पन्चेबाजा मयाली, के नै छ र मरेर लैजानी, खस्यो बलेनी लगायत गीतबाट मनोरन्जन दिएकी थिईन् भने गायक राजनले च्वाँक केटी चाइयो, पन्चेबाजा र सालैजोले मनोरन्जन दिलाएका थिए ।
जुलाई ८ मा मोना नेदरल्याण्डको कार्यक्रममा सबैलाई निम्तो दिदै कृष्णा र राजनले यूरोप साङ्गीतिक यात्रा १ महिनाको भएको बताए । बेल्जियमका लागि नेपाली राजदुत महामहिम लोक बहादुर थापा प्रमुख अतिथि रहेको उक्त कार्यक्रममा विशेष अतिथि मोना नेदरल्याण्डका अध्यक्ष जङ्ग पुन तथा संस्थाका अध्यक्ष योगेन्द्र विश्वकर्मा र सुमन थापा प्रदिप लगायतले कार्यक्रमको सफलताको शुभकामना व्यक्त गरेका थिए l सोही अवसरमा कृष्णा र राजनलाई सम्मान पनि गरिएको थियो ।
