सङ्गीत

हौसला र उर्जाको संवाहक ‘आँधी झेल्न जन्मेको हो मान्छे’

  • 114
    Shares

तुलसी गिरी ‘भावुक’


आँधी झेल्न जन्मेको हो मान्छे, आगो खेल्न जन्मेको हो मान्छे प्रकाश केसीको शब्दरचना तथा विष्णु अधिकारीको स्वरमा कोरोना विशेष नयाँ गीत बजारमा आएको छ । विश्वलाई नै आतङ्कित बनाईरहेको कोरोना महामारी र लकडाउनको अन्योलग्रस्त स्थितिलाई लक्षित गर्दै सम्पूर्ण जनताहरुलाई उर्जा थप्न यो गीत प्रकाशन गरिएको कुरा गीतकार केसीले जानकारी गराएका छन् । बजारमा आएका तमाम कोरोना विशेष गीतहरुको लहरमा फरक चिन्तन, भिन्न विषयबस्तु र अलग भाव बोकेको यो गीतले मान्छेलाई उसको अस्तित्व वोध गराएको छ l अनि हतास भएकाहरुलाई झक्झकाएको छ l कठिन घडीमा यो गीत ऊर्जा, हौसला र आत्मविश्वासको संवाहक बनेर आएको छ भन्दा उचित मूल्याङ्कन हुने छ l २०७१ सालमा रेडियो नेपालद्वारा आयोजित आधुनिक गीत सम्मेलनमा गीतकारतर्फ प्रथम स्थान हासिल गरेका कुशल गीतकार केसीका प्रायजसो गीतमा नेपाली माटोको सुगन्ध महसुस गर्न सकिन्छ l  

उज्यालो आशा शीर्षकमा प्रकाशित यसगीतमा अब्बल दर्जाका चित्रकार समेत रहेका सङ्गीतकार ज्योतिप्रकाशको सङ्गीत रहेको छ । शाश्त्रीय महकताले भरिएको उनको सङ्गीतमा विष्णुले यसरी न्याय गरेका छन्, यस गीतका लागि उनको विकल्पमा दोस्रो गायक कोही छैनहोला जस्तो लाग्छ l अर्थात् अरु कसैले गाएको भए यो गीत अझ मीठो हुन्थ्यो कि ! भन्ने कत्तिपनि लाग्दैन l विष्णु सङ्गीत सिर्जना, सङ्गीत संयोजन र गायन तीनै विधामा उत्तिकै क्रियाशील रहँदै आएका छन् l तथापि कुशल सर्जक / कलाकार भईकन पनि मिडियामा भने उनलाई कमै देख्न / पढ्न पाइन्छ l  

समग्रमा भन्नुपर्दा यो एउटै गीतबाट गीतकार, सङ्गीतकर र गायकको साङ्गीतिक व्यक्तित्वको उचाईलाई मूल्याङ्कन गर्न सकिन्छ l प्रस्तुत गीतको भिडियो सङ्गीतकार ज्योतिप्रकाशको युट्यूब च्यानल Jyoti Prakash मा अपलोड गरिएको छ ।

  •  
    114
    Shares
  • 114
  •  
  •  
  •  
  •  
  •  
  •