सुजाता के. सी. र सरोज लामिछानेको स्वरमा रहेको गीत ‘मलाई के थाहा त ?’ को भिडियो रिलिज भएको छ l गायिका के. सी. ले आफ्नो जन्मदिनको अवसर पारी ललितपुरको कुसुन्तीस्थित ‘नेपाल स्नेही काख’ नामक परोपकारी संस्थामा केक काटेर जन्मदिन मनाउँदै भिडियो रिलिज गरेकी हुन् l उनले सो संस्थालाई आर्थिक सहयोग समेत गरेकी छिन् l
भिडियोका छायाकार एवं सम्पादक वीरेन्द्र भाट ‘विपिन’ को सल्लाह बमोजिम जन्मदिनको अवसर पारेर सानो भएपनि पुण्यकर्म गर्दै भिडियो रिलिज गरिएको कुरा गायिका के. सी. ले जानकारी गराएकी छिन् l ‘नेपाल स्नेही काख’ नामक संस्थाले मानसिक सन्तुलन गुमाएका महिला एवं अभिभावक गुमाएका बाल बालिकाहरुको लालनपालन गर्दै आएको छ l
‘मलाई के थाहा त ?’ बोलको गीतमा सरोज लामिछानेको शब्द र सङ्गीत रहेको छ भने वर्ल्डकभर मिडियाको पोष्ट प्रोडक्सनमा निर्मित यो भिडियो शिब बि. क. को निर्देशन / कोरियोग्राफीमा छयाङ्कन भएको हो l जसमा याङ्सु श्रेष्ठ, युनिष बस्नेत र साथीहरुको नृत्य / अभिनय रहेको छ l भिडियोका निर्माता सुशील शर्मा हुन् l गीतमा बालापनका रमाईला स्मृतिहरू छन् l
गीतको भिडियो लिङ्क
