झ्यालको पर्दा बन्द गर्नु है
नत्र बहुलाउँछु होला म छिट्टै
प्रसिद्ध गीतकार लोकराज अधिकारीको नयाँ रोमान्टिक गीत ‘झ्यालको पर्दा’ को भिडियो सार्वजनिक भएको छ l राजधानीमा एक कार्यक्रमको आयोजना गरी भिडियो सार्वजनिक गरिएको हो l अर्जुन पोखरेलको सङ्गीत, मोहित मुनालको सङ्गीत संयोजन तथा अन्जु पन्त र रोशन अधिकारीको युगल स्वर रहेको यो गीतको भिडियो शिव बि. को कोरियोग्राफी तथा निर्देशन एवं सुप्रिम पराजुलीको सम्पादनमा तयार भएको हो l भिडियोमा प्रियंका कार्की र गायक रोशन स्वयम्को नृत्य – अभिनय रहेको छ l गीतको भाव अनुसार नायक – नायिका एक अर्काको प्रेममा चुर्लुम्ब डुबेका छन् भने टाढा भएर बाँच्न नसक्ने अवस्थामा छन् l दुबैमा मिलनको व्याकुलता र मनमा रङ्गीन कल्पनाहरु छन् l नृत्य शैलीको यो गीतको भिडियो अनुभवी निर्देशक शिव बि. क. ले निक्कै राम्रो बनाएका छन् l
‘तिमीले पराई ठानेपछि, रुपै मोहनी, मर्छु बरु छट्पटीमा , रुपौली रानी जस्ता सर्वाधिक लोकप्रिय गीतका सर्जक लोकराज अधिकारी चलचित्र होस् या आधुनिक गीत लेखनको क्षेत्रमा लगातार चर्चामा रहँदै आएका छन् l
Video Link
