देश – विदेशमा एकैसाथ प्रदर्शनको तयारीमा रहेको चलचित्र “कपुरी क” सेन्सर पास भएको छ । गुञ्जन एण्ड कुसुम फिल्मस् र बिजी बि इन्टरटेनमेन्टको संयुक्त ब्यानरमा निर्माण भएको चलचित्र “कपुरी क” ले सेन्सर वोर्डबाट ‘पिजी’ अर्थात् १६ वर्ष मुनिका दर्शकले अभिभावकको साथमा हेर्नुपर्ने प्रमाणपत्र पाएको हो ।
चलचित्र “कपुरी क” मा यसै चलचित्र मार्फत डेब्यु गरेका प्रकाश तिवारी, सिजल उप्रेती , वसन्ती भाट, चेतबहादुर सिंह ‘राजा’, सद्दाम हुसेन, सोनु राई, रिवाज बिसुराल, बुद्धिसागर खनाल, सोनिका बास्तोला, राजेश बिसुराल र सविन बास्तोलाको विशेष भूमिका रहेको छ ।
पूर्ण मनोरन्जनात्मक कथामा बनेको यस चलचित्रको निर्देशन सविन बास्तोलाले गरेका हुन् भने चलचित्रमा खेम थापा मगरको छायांकन र सन्तकुमार थापा मगरको कोरियोग्राफी रहेको छ ।
