चलचित्र क्षेत्रको एकमात्र साप्ताहिक पत्रिका ‘फिल्मीखबर साप्ताहिक’ ले कला पत्रकार स्व. सविन शाक्यको स्मृतिमा ‘सविन शाक्य चलचित्र पत्रकारिता पुरस्कार’ को स्थापना गरेको औपचारिक घोषणा गरिएको छ l स्व. शाक्यको प्रथम बार्षिक स्मृति दिवसका अवसरमा पत्रिकाका प्रकाशक तथा सम्पादक शान्तिप्रियले सो कुराको घोषणा गरेका हुन् l ०७४ सालको असार २३ गते निधन भएका स्व. शाक्यले २५ वर्षसम्म निरन्तर चलचित्र पत्रकारिता गरेका थिए भने उनी लामो समयदेखि फिल्मीखबर साप्ताहिकमा समेत आवद्ध थिए l
हरेकबर्ष फिल्मीखबरको बार्षिकोत्सव कार्यक्रमका अवसरमा कला पत्रकारितामा क्रियाशील एकजना पत्रकारलाई नगद र प्रमाणपत्र सहित सो पुरस्कार प्रदान गरिने जानकारी गराउँदै हाललाई पुरस्कारको नगद राशी रु. १० हजार गरिएको कुरा समेत शान्तिप्रियले स्पष्ट पारेका छन्
