लोकप्रिय युवा संगीतकार दीपक शर्मा गृह जिल्लामा सम्मानित भएका छन् l मङ्गला गाउँपालिका, कुहूँ, म्याग्दी स्थाई बसोबास भएका दीपकलाई केही हप्ता अगाडि स्थानीय लिल्ला युवा समितिले एक कार्यक्रमको आयोजना गरी सम्मान गरेको हो l कार्यक्रम म्याग्दीको बेनीमा आयोजना गरिएको थियो l
म्याग्दी जिल्लामा जन्म भई विभिन्न क्षेत्रमा उच्च सफलता हासिल गरेका युवाहरू मध्येबाट तीनजनालाई सम्मान गरिएकोमा संगीत क्षेत्रबाट शर्मा सम्मानित भएका हुन् l समारोहमा खेलकूद तर्फबाट भलिवल खेलाडी तेजेन्द्र बानिया र पशुपालनतर्फ टंक बहादुर बुढा समेत सम्मानित भएका थिए l तीनैजनालाई जनही नगद रु. ७ हजार र प्रशंसापत्र प्रदान गरिएको थियो l
