म्यूजिक नेपालको प्रस्तुतिमा रहेको एल्बम ‘कृति’ मा समावेश गीतहरु आजदेखि बजारमा ल्याइएको छ । एल्बममा सातवटा गीतहरु रहेका छन् ।
कुशुम गजमेरको शब्द अनि नवगायिका आशा स्वरुपाको स्वर रहेको एल्बम ‘कृति’मा पुरानै लोकभाकालाई सुन्न सकिन्छ । साथै चर्चित व्याण्ड कन्दराका लोकप्रिय गायक विवेक श्रेष्ठको स्वरमा रहेका गीतहरु पनि यस एल्वममा समावेश छन् । एल्बममा ‘नहुने केही छैन, सिमसिमे पानीमा, तिमीबिना’ लगायतका गीतहरु रहेका छन् ।
चालिसको दशकमा नेपाली चलचित्रमा एकछत्र राज गर्ने रन्जित गजमेर लामो समयपछि फेरि फर्केर आएका हुन् यस कृति मार्फत । गजमेरले यस एल्बम मार्फत नेपाली गीति काव्य आकाशका ध्रुवतारा अगमसिंह गिरीलाई पनि एउटा गीतमा आवद्ध गराएका छन् ।
