काडमाडौं, ११ भाद्र । सञ्चारकर्मी डब्बु क्षत्रीको गीति सङ्ग्रह‘गुलाबी स्वरहरु’मा सङ्ग्रहित गीत ‘यो तन यो मन…’ को भिडियो रिलिज गरिएको छ । क्षत्रीले आफ्नो जन्मदिनको अवसर पारेर आफ्नै च्यानल ‘व्युटी न्युज नेपाल’ बाट यो भिडियो रिलिज गरेका हुन् ।
गीतमा सन्तोष श्रेष्ठको सङ्गीत र रेश्मा पुन मगरको स्वर रहेको छ भने सङ्गीत संयोजन जुगल डंगोलले गरेका हुन् ।डब्बु स्वयंले निर्देशन गरेको यस भिडियोमा कमला हाङखिम राई र पूर्ण सुब्बा योङहाङको अभिनय रहेको छ । मलेशियाको पर्यटकीय शहर मेलाक्कामा छायांकन गरिएको यस भिडियोका छायाँकार सुजन न्यौपानेको हुन् । दुई दिन अघि रिलिज गरिएको भिडियोले दर्शकको राम्रो साथ पाईरहेको गीतकार क्षत्रीले बताए ।
