अमेरिकामा बसोबास गरिरहेकी गीतकार अम्बिका गुरुङका शब्दरचनामा आधुनिक गीत ‘आदत–२’ को म्युजिक भिडियो सार्वजनिक भएको छ । सुमन केसीको स्वरमा रहेको सो गीतमा शंकर थापा ‘स्माइल’ को सङ्गीत सुन्न सकिन्छ भने उदयराज पौडेलले गीतमा सङ्गीत संयोजन गरेका छन् ।
भावसागर ईन्टरटेन्मेन्ट एलएलसीद्वारा प्रस्तुत गरिएको उक्त म्युजिक भिडियोलाई शान थापाले निर्देशन गरेका हुन् । भिडियोमा पल शाह, पुष्प खड्का, निराजन प्रधान र दीपिका प्रसाईंले अभिनय गरेका छन् । झण्डै एक साता लगाएर छायांकन गरिएको उक्त भिडियोमा झण्डै १० लाख रुपैया लगानी गरिएको बताइन्छ । भिडियोलाई हालसम्मकै सबैभन्दा महङ्गो समेत भनिएको छ । भिडियोमा अनुराग ठकुरीको समेत विशेष भूमिका रहेको छ ।
भिडियोमा अभिनय गर्ने कलाकारका पहिरन आशिष पौडेल तथा कमल मानन्धरले डिजाइन गरेका हुन् । सुरेश काफ्लेद्वारा ड्रोन सञ्चालन गरिएको उक्त भिडियोलाई अर्जुन तिवारी, बुद्ध थापा तथा समूहले छायांकन गरेको हो । भिडियोमा विजय बस्यालको भिएफएक्स छ भने सुप्रिम पराजुलीले यसलाई सम्पादन गरेका छन् । राजिव समर भिडियोका कोरियोग्राफर हुन् ।
