काठमाण्डौ । चलचित्र ‘सूर्यास्त’ को आईटम गीतको शुटिंग सकिएसँगै चलचित्रको पूरै छायांकन पनि सकिएको छ । राजधानीको गंगबूस्थित एक रोधी घरमा आईटम गीतको शुटिंग गरी चलाचित्रको सम्पूर्ण छायांकन सम्पन्न गरिएको गरिएको कुरा निर्माण समूहले जानकारी गराएको हो । दिनेश पाख्रिनको कोरियोग्राफिमा सो गीतको शुटिंग भएको थियो । आईटम गीतमा नृत्य गरिसकेपछि नृत्याङ्गना अप्सरा राईले पहिलोपटक आइटम डान्स गरेको जानकारी गराउंदै केही गाह्रो भएपनि रमाईलो लागेको प्रतिक्रिया दिएकी छिन् ।
राज बस्न्यातको निर्माण-निर्देशन रहेको चलचित्र सूर्यास्तमा किशोर खतिवडा, प्रज्ज्वल गिरी, अप्सरा राई, पनाह अधिकारी, रितेश श्रेष्ठ काजी रम्तेल लगायतका कलाकारहरुको प्रमुख अभिनय रहेको छ । त्रिकोणात्मक प्रेमकथामा आधारित यस चलचित्रका गीतमा विकाश चौधरी र जनम राईको सङ्गीत रहेको छ भने चलचित्रको कथा र पटकथा पनाह अधिकारीले लेखेकी हुन् । चलचित्र आगामी मंसिरमा रिलिज गरिने निर्माण पक्षले जानकारी गराएको छ ।
