हरितालिका तिज नजिकिँदै गर्दा नेपाली सङ्गीत बजारमा तिजका नयाँ नयाँ गीतहरू सार्वजनिक हुने क्रम तीव्र बन्दै गएको छ । यसै सन्दर्भमा गायिका सुबिना श्रेष्ठको स्वरमा सजिएको नयाँ तिज गीत ‘पठाओ चडेर’ को भिडिओ सार्वजनिक भएको छ। नेपाली हिन्दु महिलाहरूको महान पर्व हरितालिका तिजको अवसर पारेर तयार पारिएको यस गीतमा सुबिना श्रेष्ठसँगै राजु आरडीको शब्द, सङ्गीत र स्वर रहेको छ । सुनिल परियारले म्युजिक एरेञ्ज गरेको यो गीत राज खड्काले रेकर्डिङ गरेका हुन् भने एचबीएन किस्मतले मिक्सिङ गरेका छन्।
गीतको भिडिओ ईश्वर बल्लभ उप्रेतीले निर्देशन गरेका हुन् । भिडिओमा हरिकुमार भण्डारी, रेजिना उप्रेती र प्रकाश बानले अभिनय गरेका छन् । तिज पर्वको सांस्कृतिक झल्को, पहिरन र आधुनिक परिवेशको समिश्रणले भिडिओलाई आकर्षक बनाएको छ । भिडिओ रामेश्वर हुमागाईंले छायाङ्कन गरेका हुन् भने टेकेन्द्र शाहले सम्पादन र कलरिङ गरेका छन्। गीत ‘पठाओ चडेर’ ले तिजलाई अझ रमाइलो, उत्साहपूर्ण र भावनात्मक बनाउन सहयोग गर्ने विश्वास लिइएको छ । विशेषगरि सुबिना श्रेष्ठको आवाजले नेपाली महिलाहरूको मनमा छुट्टै स्थान बनाउने अपेक्षा गरिएको छ ।
