चौथो ‘म्युजिक खबर तीज म्युजिक अवार्ड’को आवेदन खुला, अनलाईनमार्फत् पनि सहभागी हुन सकिने

आर्टिष्ट अफ नेपालको प्रस्तुतिमा विगत ४ वर्षदेखि नियमित आयोजना हुँदै आएको ‘म्युजिक खबर तीज म्युजिक अवार्ड’को चौथो संस्करणका लागि गीत दर्ता गर्न सार्वजनिक रुपमा आव्हान गरिएको छ । शुभकामना मिडिया सोलुसनको आयोजनामा हुँदै आएको यस तीज अवार्डमा विभिन्न २५ विधाका स्रष्टा, प्राविधिक र सिर्जना अवार्डमा सहभागी हुन पाउनेछन् । पहिलो वर्ष शिवशक्ति तीज म्यूजिक अवार्डको नामले स्थापित भएको यो अवार्ड दोस्रो वर्षबाट भने अनलाइन मिडिया म्यूजिक खबरले ब्रान्डिङ गरेको छ । म्युजिक खबर तीज अवार्ड आयोजक समितिकी अध्यक्ष सबिता पोखरेलले चौथो म्यूजिक खबर तीज  अवार्डमा विभिन्न २२ विधामा स्रष्टा-कलाकारलाई पुरस्कृत गरिने बताइन् । समारोहमा साङ्गीतिक क्षेत्रमा मौलिकतामा जोड दिएर योगदान पुर्‍याउने तीन नारी ‘त्रिदेवी सङ्गीत सम्मान’द्वारा सम्मानित हुनेछन् ।

यो अवार्ड आगामी भदौ ५ गते गोंगबुस्थित बीजी बैंकटको हलमा आयोजना हुने छ। अवार्ड कार्यक्रमसँगै तिज फेस्टिबल मनाउँदै चेलीबेटीहरुलाई दर खुवाउने कार्यक्रमसमेत रहेको अध्यक्ष पोखरेलले जानकारी दिइन् । उनले भनिन्- ‘तीजका अवसरमा थुप्रै गीतहरु सार्वजनिक हुने गरेका छन् । सांस्कृतिक पर्व तीजको एउटा विशेषता गीत सङ्गीत पनि हो । तीजकै अवसरमा तीजको मर्म बोकेर सार्वजनिक भएका गीतका स्रष्टा र सिर्जना पुरस्कृत होउन् र स्रष्टाले सम्मान तथा प्रोत्साहन पाउन् भनेर नै यो अवार्डको थालनी गरेका हौं ।’

तीज अवार्डका लागि साउन ३१ गतेसम्म आफ्‌ना सिर्जना सहभागी गराउन पाउने प्रावधान रहेको छ ।  सहभागी हुनका लागि म्यूजिक खबरको कार्यालय, सामाखुसीमा फाराम उपलब्ध छ । डिजिटल माध्यमबाट सहभागी हुनका लागि एभेन्टोज डटकम मार्फत् आफ्नो सिर्जनालाई सहभागी गराउन पाइनेछ ।

गीत समावेश गर्नका लागि लिंक –
https://service.aventoz.com/formBooking/68822cf4a375d1753361652


अवार्डमा सहभागी हुने विधाहरु

१. तीज दोहोरी गीत मिक्सिङ

२. तीज दोहोरी गीत संगीत संयोजक

३. तीज गीत नवप्रतिभा

४. तीज दोहोरी गीत शब्द

५. तीज दोहोरी गीत संगीत

६. तीज दोहोरी गीत गायक

७. तीज दोहोरी गीत गायिका

८. तीज दोहोरी गीत

९. तिज गीत भिडियो मोडल महिला

१०. तिज गीत भिडियो मोडल पुरुष

११. तीज गीत भिडियो श्रृंगार

१२. तीज गीत भिडियो छायाँकार

१३. तीज गीत भिडियो सम्पादक

१४. तीज गीत भिडियो कोरियोग्राफर

१५. तीज गीत भिडियो निर्देशक

१६. मौलिक तीज गीत मिक्सिङ

१७. मौलिक तीज गीत संगीत संयोजन

१८. तीज गीत मौलिक शब्द

१९. तीज गीत मौलिक संगीत

२०. तीज गीत मौलिक गायिका

२१. मौलिक तीज गीत

२२. डायस्पोरा गीत