चलचित्र ‘चे’ हङकङमा विशेष प्रदर्शन हुनेभएको छ l चलचित्र ‘चे’ १७ अगष्ट २०२५ आइतबार साँझ ६ बजे याउ मा ताइ कम्युनिटी हलमा प्रदर्शन हुने भएको हो | मंगलबार कोटेश्वरस्थित पूर्वेली होमस्टेको सभाहलमा पत्रकार सम्मेलन गरि उक्त जानकारी दिइएको हो l याक्थुङ मुन्चइत चोक सयङ हङकङले प्रदर्शन गर्ने तयारी गरिरहेको हङकङका वरिष्ठ उपाध्यक्ष भवेन्द्र थाम्सुहाङले जानकारी दिए l
थाम्सुहाङका अनुसार याक्थुङ मुन्चइत चोक सयङले सञ्चालान गरिरहेको लिम्बू कलाकारहरुलाई सम्मानस्वरूप सामाजिक सुरक्षाभत्ता दिने लगायतका अभियानहरु सफल पार्न विविध कार्यक्रमहरु आयोजना गरिरहेको बताए l यसका अलावा ४ अक्टोबर २०२५ मा सौल कोरियामा र २७ नोभेम्बर २०२५ मा दमाम साउदी अरबियामा प्रदर्शन मितिको घोषणा गरेका हुन् l चलचित्र ‘चे’ले याक्थुङ सिने अवार्ड – २०८१, FLF Award – २०२४, पाचौं आदिवासी जनजाति चलचित्र महोत्सव – २०८२, बिराट म्युजिक एण्ड फिल्म्स अवार्ड – २०८१, बिशेष चलचित्र पुरस्कार – २०८१ (चलचित्र विकास बोर्ड), NIFF Award UK – 2025 मा उत्कृष्ट अवार्ड तथा पुरस्कार प्राप्त गरेको छ l
‘चे’ लिम्बूहरु आन्तरिक र बाह्यरुपमा कसरी लास भईरहेका छन् ? भन्ने कथा हो l अर्थात् लासको कथामाथि निर्माण गरिएको चलचित्र हो । आधुनिक विकासको नाममा सांस्कृतिक सम्पदा भत्काउने र जोगाउने विचको द्वन्द्वात्मक कथालाई चलचित्रमा प्रस्तुत गरिएको थाहा भएको छ l विकासको नाममा भत्काईरहेको याक्थुङ आदिवासीहरुको समाधिस्थल सकिएपछि याक्थुङ समुदायमा चे लास नै प्रमुख समस्याको रुपमा उभिएको यथार्थ घटनालाई चित्रण गरिएको बताईएको छ l
याक्थुङ फिल्मसको ब्यानरमा निर्मित यस चलचित्रमा लेखक/निर्देशक/निर्माता सागर केरुङ, छायाँकार युबराज राई, निर्माता इन्दु फोम्बो, सवु लिम्बू थाम्सुहाङ, सम्पादक पर्शु थलङ, ब्याकग्राउण्ड म्युजिक मोनी ताम्लिङ, कला निर्देशक उदय बेघा, शृङ्गार अमृता जवेगु, गीतकार सागर केरुङ, सङ्गीतकार बुद्धराज लिम्बू, सागर केरुङ, स्वर इन्दु फोम्बो, नोगेन लिम्बू, राजेन्द्र केरुङ र तुलसा लिम्बूको रहेको छ भने सागर केरुङ, बिमला खजुम, यासेली योङहाङ, निशाम तुम्बापो, भवेन्द्र थाम्सुहाङ, रत्ना लिङ्देन लावती, नरेन्द्रराज केरुङ, पूर्ण सेलीङ, प्रमिता लिम्बू, यलम्बर खम्बू, अभिषेक केरुङ, राजु घिमिरे, नुनाम केरुङ, कर्णहाङ् सुब्बा ताम्लिङ, प्रनेश लिम्बू थेवे, संगीत आङ्खेवा, तीर्थ मादेम्बा, राजु घिमिरे, सुरेन शिशिर केरुङ, याम कुरुम्बाङ्, अजित योङया, प्रेमहाङ् केरुङ, उदय बेघा, अमृता जवेगु, जोलिना केरुङ, तीर्थ हाड्सरुम्बा, चन्द्रकला साँवा लगायतले अभिनय गरेका छन् l
