-तुलसी गिरी ‘भावुक’
यथार्थपरक भावका गीत लेख्न मन पराउने लोकप्रिय गीतकार दीपेन्द्र अधिकारीको रचनामा रहेको गीत ‘सपना सजाई’को भिडिओ सार्वजनिक भएको छ l प्रसिद्ध सर्जक/कलाकार सीडी विजय अधिकारीको सङ्गीत तथा स्वरमा रहेको यस गीतको म्युजिक एरेन्ज, मिक्सिङ् र माष्टरिङ् पुष्कर खत्रीले गरेका हुन् l
सीडी म्युजिक क्रिएशनको निर्देशन रहेको यस म्युजिक भिडिओमा महेश महराको छायाङ्कन र दिनशन शाहको सम्पादन रहेको छ भने भिडिओमा दीपेन्द्रराज गिरी, सदिक्षा पाण्डे, चन्द्रकान्त अधिकारी, दुर्गादेवी अधिकारी, सूर्यान श्रेष्ठ, उनिशा बास्तोला, दिव्या शर्मा, आयन ढकाल आदि कलाकारहरुले अभिनय गरेका छन् l
भिडिओमा हजार सपना बोकेर वैदेशिक रोजगारमा जाने युवाहरु मध्ये सबैको सपना पूरा हुँदैन भन्ने कुरा देखाईएको छ l वाध्यतावास विदेशिएका लाखौँ नेपालीहरुको प्रतिनिधि कथा बोकेको यस म्युजिक भिडिओले परदेशमा कसैको छोरा, कसैको पति वा कसैको अभिभावक गुम्दा परिवार कसरी छिन्नभिन्न हुन्छ भन्ने कुरा यथार्थपरक ढङ्गमा प्रस्तुत गरिएको छ l
