बिगत ६ वर्षदेखि अमेरिकामा बस्दै आएका चलचित्र निर्देशक सुमन दाहालले आफ्नो निर्देशनमा नयाँ गीत ‘तिम्लाई छोडी’ को भिडिओ रिलिज गरेका छन् । भिडिओ उनले सम्राट क्रियसन युट्युव च्यानलबाट रिलिज गरेका हुन् । अमेरिका बस्दै आएका गीतकार ईश्वर प्रवासीले रचना गरेको यस गीतमा टिका भण्डारीको सङ्गीत र प्रमोद खरेलको स्वर रहेको छ l
निर्देशक सुमन दाहालले यो गीतको छायाङ्कन अमेरिकाको केन्टकी राज्यको लेन्जिनटन र लुइभिल शहर आसपासमा गरेका हुन् । त्यहाँका निकै सुन्दर दृष्य यो गीतको भिडिओमा समेटिएको छ । गीत जस्तै भिडिओ पनि आकर्षण बनेको छ । अमेरिकामा रहेर पनि नेपाली चलचित्र तथा म्युजिक भिडिओ निर्देशनलाई सुमनले निरन्तरता दिँदै आएका छन् । प्रेम भावको रोमाञ्चक यो गीतको भिडिओमा मोडलद्वय भुवन लोहनी र निश्मा चापागाईंको अभिनय रहेको छ । भिडिओमा उनीहरुको जोडी जमेको छ । सुमनको निर्देशनमा भुवनको यो तेश्रो र निश्माको दोश्रो भिडिओ हो ।
यस अघि भुवनले सुमनकै निर्देशनमा ‘हेर्दा हेर्दै’ र ‘यो जीवन मिठो’ बोलका गीतको भिडिओमा अभिनय गरिसकेका थिए भने निश्माले यस अघि सुमनकै निर्देशनमा ‘तिमीसँग छुट्टीएर’ बोलको गीतको भिडिओमा अभिनय गरिसकेकी छिन् । ‘तिम्लाई छोडी’ गीतको भिडिओमा महेन्द्र निरौलाको कोरियोग्राफी, भूपेन्द्र अधिकारीको सम्पादन, रेनिस फागोको रङ्ग संयोजन, राम ढकालको पोष्टर डिजाईन रहेको छ । भिडिओ पवन गौतमले छायाङ्कन गरेका हुन् ।
