लामो समयदेखि अस्ट्रेलियामा रहेर नेपाली साङ्गीतिक क्षेत्रमा फरक पहिचान बनाउन सफल गायक रामकृष्ण निरौलाको नयाँ गीत ‘ओए कमला ‘ को भिडिओ सार्वजनिक भएको छ । गीतकार विक्रम के. सी. को शब्दरचना र सुनिल रोक्काको सङ्गीत रहेको डान्सिङ शैलीको यस गीतमा गायक निरौलालाई गायनमा काब्य आचार्यले साथ दिएकी छिन् ।
लोकप्रिय नायक पुष्प खड्का र मोडेल बिना राउतको अभिनय रहेको ‘ओए कमला ‘को भिडिओ युवा निर्देशक प्रहिल कार्कीले निर्देशन गरेका हुन् । रमणीय स्थल शुभतारा स्कुल लामाटारमा छायाङ्कन गरिएको यस भिडिओमा सुरेन्द्र बसेलको कोरियोग्राफी, उत्तम हुमागाईको सिनेम्याटोग्राफी र माधव बेलबासेको सम्पादन रहेको छ । भिडिओ ‘ओ एस आर ‘ डिजिटल नामक युट्युब मार्फत सार्वजनिक गरिएको हो ।
गायक निरौलाको यसअघि सार्वजनिक ४० बर्ष अघिको कथामा बनाइएको ‘काजिको घोडा’ गीतलाई स्रोता दर्शकले अत्याधिक मन पराएका थिए । यो गीतमा पनि त्यत्तिकै मेहनत गरिएकोले स्रोता दर्शकले मन पराउने कुरामा आफू विश्वस्त रहेको कुरा उनले बताएका छन् ।
