-तुलसी गिरी ‘भावुक’
नरहरि प्रेमीको शब्दरचना / सङ्गीत तथा राजनराज शिवाकोटी र अञ्जु पन्तको स्वरमा रहेको प्रेमपरक भावको गीत ‘चट्टै बस्यो नि माया’ को भिडिओ रिलिज भएको छ l भिडिओ 8K Everest Motion Pictures नामक युट्युब च्यानलबाट शुक्रबार डिजिटल बजारमा आएको हो l राजेन्द्र श्रेष्ठको सङ्गीत परिकल्पना रहेको यस गीतमा श्यामश्वेत रसाईलीको सङ्गीत संयोजन, मिक्सिङ र माष्टरिङ रहेको छ l
भिडिओ सुबोल थापाको कोरियोग्राफी र निकेश खड्काको निर्देशनमा छायाङ्कन भएको हो l जसमा वुद्ध थापाको सिनेम्याटोग्राफी र विकाश धमलाको दृश्य सम्पादन रहेको छ l पल शाह र मलिका महतको अभिनय रहेको यो म्युजिक भिडिओ राजेन्द्र श्रेष्ठ र मनोज बस्नेतले निर्माण गरेका हुन् l
