-तुलसी गिरी ‘भावुक’
लोकप्रिय गीतकार तारा अधिकारीको गीत ‘ताँती’ को भिडिओ सार्वजनिक भएको छ l गीतकार अधिकारीकै अफिसियल युट्युब च्यानल Sunaulo Tara Motion Pictures बाट हिजो मात्र सो गीतको भिडिओ डिजिटल बजारमा आएको हो l
राजनराज शिवाकोटीको सङ्गीत रहेको यो युगल गीत अस्मिता अधिकारीको साथमा राजनराजले नै गएका छन् l गीतमा विजेश्वर तण्डुकारको सङ्गीत संयोजन, मिक्सिङ् र माष्टरिङ रहेको छ l गीतकोरेकर्डिङ तास स्टुडियोमा भएको हो l
राजिव समरको कोरियोग्राफी र सान थापाको निर्देशन रहेको यस म्युजिक भिडिओमा अर्जुन तिवारीको सिनेम्याटोग्राफी र सुप्रिम पराजुलीको सम्पादन रहेको छ भने नाजिर हुसेन र दिपसिना अधिकारीले प्रमुख कलाकारको रुपमा अभिनय गरेका छन् l
गीतकार तारा अधिकारी र कलाकार नाजिरको यो तेस्रो सहकार्य हो l यसअघि नाजिरले ताराका दुई गीत ‘गुलेलीमा’ र ‘लुकिलुकी चोरीचोरी’ मा अभिनय गरेका थिए l दुबै भिडिओ दर्शकले अधिक मन पनि पराए l आजसम्म ‘गुलेलीमा’ ले ७० लाख र ‘लुकिलुकी चोरीचोरी’ ले २९ लाखको हाराहारी भ्युज पाएका छन् l
रोमाण्टिक भावको यो गीतको भिडिओ नृत्यप्रधान रहेको छ भने ग्रामिण परिवेशमा छायाङ्कन गरिएकोले भिडिओ फरक प्रस्तुतिका साथमा मनोरञ्जक छ l ‘ताँती’ लाई पनि नाजिरका अघिल्ला भिडिओ झैं दर्शकले मन पराउने कुरामा गीतकार अधिकारी आशावादी रहेकी छिन् l
