-तुलसी गिरी ‘भावुक’
सङ्गीत क्षेत्रमा ‘मेलोडी सुल्तान’ को उपनामले परिचित लोकप्रिय गायक शिशिर योगीले पुन: यथार्थपरक भावको गीत ‘बेँसी झर्ने बेला भयो’ को भिडिओ सार्वजनिक गरेका छन् l कवि अर्जुन पराजुलीको शब्दरचना र योगी स्वयंकै सङ्गीत र स्वरमा रहेको यस गीतको भिडिओ सर्जक / कलाकार योगीकै अफिसियल यु ट्युब च्यानल Shishir Yogi बाट आजै सार्वजनिक भएको हो l गीतमा आशिष अविरलको सङ्गीत संयोजन रहेको छ भने आशिष सुनुवारले मिक्सिङ गरेका हुन् l
भिडिओ वीरेन्द्र भाट ‘विपिन’ को निर्देशन र महेश महराको सिनेम्याटोग्राफीमा छायाङ्कन हो l जसमा लोकेश भाटको सम्पादन रहेको छ l यथार्थपरक, गहन र गम्भीर भावका गीतमा महारथ नै प्राप्त सङ्गीतकार / गायक योगीको यस गीतले उकाली-ओराली र गाउँबेँसी गर्दा गर्दै जीवनको उत्तरार्धमा पुगेको एक कृषकको कथा-व्यथा पोखेको छ l
