गहन शब्द र सङ्गीत अनि मीठो स्वर लिएर गायक सन्तोष रुचाल फेरि नेपाली गायनमा फर्किएका छन् । हरिहर खनियाको शब्द / सङ्गीतमा नरेन्द्र वियोगीको सङ्गीत संयोजन रहेको गीत ‘म हराएको छैन कतै पनि’ को भिडिओ लिएर उनी पुन: दर्शक / श्रोतामाझ आएका हुन् ।
गीत तथा भिडिओले सशस्त्र द्वन्द्वकालको निकै मार्मिक कथा प्रस्तुत गरेको छ ।
भूपेन्द्र ढकाल, सरिता दानकुटी, सन्तोष कुमार आत्रय, सुदन थापा आदिको अभिनय रहेको यस भिडिओको निर्देशन, छायाङ्कन र सम्पादन भगवान पौडेलले गरेका हुन् । निकै लामो समयको अन्तरालमा फेरि गायनमा फर्किएका सन्तोषले विगतमा निकै राम्रा राम्रा गीतहरु गाएका थिए । यो गीत पनि श्रोताले मन पराउने कुरामा उनी आशावादी रहेका छन् ।
