इनाक्षी ईन्टरटेनमेन्ट प्रा.लि. को प्रस्तुतिमा रहेको नयाँ साङ्गीतिक कोसेली ‘दूरी मजबुरी’ को भिडिओ एक कार्यक्रमबीचसार्वजनिक भएको छ । इनाक्षी ईन्टरटेनमेन्ट प्रा.लि. का प्रबन्ध निर्देशक राम कँडेलको अध्यक्षतामा सम्पन्न सो कार्यक्रम गायक सीडी बिजय अधिकारीले सञ्चालन गरेका थिए भने कार्यक्रम आयोजनाका लागि मिडिया संयोजकको भूमिका पत्रकार प्रकाश बराईली ‘अभिव्यक्ति’ ले निर्वाह गरेका थिए ।
‘दूरी मजबुरी’ को मेल भर्सनको भिडिओ लगभग एकबर्ष अघि नै रिलिज भएको थियो । अहिले फिमेल भर्सनको भिडिओ सार्वजनिक गरिएको हो । जसमा प्रविशा अधिकारीको स्वर रहेको छ भने सीडी बिजय अधिकारीले स्वरमा साथ दिएका छन् । गीतमा सीडी अधिकारीकै शब्द, सङ्गीत रहेको छ ।
उत्तम श्रेष्ठ (शिशिर) र राज केसीको संयुक्त निर्देशन रहेको यस भिडिओमा ज्ञानेन्द्र शर्मा हुमागाईको छायाङ्कन र अमृत चापागाईको सम्पादन रहेको छ । भिडिओ एकदमै हृदयविदारक बनेको छ । गीत तथा भिडिओले सबैको मन जित्न सफल हुने कुरामा आफूहरु विश्वस्त रहेको कुरा निर्माण पक्षले बताएको छ ।
भिडिओमा सरोज खनाल, रश्मी भट्ट, सुधिर श्रेष्ठ, आँसु न्यौपाने, उत्तम श्रेष्ठ (शिशिर), डिम्पल खरेल आदिको अभिनय रहेको छ । भिडिओ इनाक्षी ईन्टरटेनमेन्ट प्रा.लि. को युट्युब च्यानलबाट सार्वजनिक गरिएको छ ।
