-तुलसी गिरी ‘भावुक’
गोविन्द भट्टको शब्दरचना, कीर्तिमानी सङ्गीतकार सन्तोष श्रेष्ठको सङ्गीत र नेपाली चलचित्र क्षेत्रका लोकप्रिय कलाकार राजेश हमालको स्वरमा रहेको सन्देशमूलक गीत ‘गाउँले ठिटो’ को भिडिओ सार्वजनिक भएको छ l गीतमा गोपाल रसाईलीको सङ्गीत संयोजन र श्यामश्वेत रसाईलीको मिक्सिङ / माष्टरिङ रहेको छ l
गायक राजेश हमालकै प्रमुख भूमिका रहेको यो गीतको भिडिओ कमला भट्ट पाण्डे र गरिमा भट्टले निर्माण गरेका हुन् l देवेन्द्र पाण्डेद्वारा निर्देशित यस भिडिओमा कलाकार हमालका साथमा उत्तम के. सी., शिवराज कार्की, सुरेन्द्र कुमार दाहाल, गोविन्द भट्ट, सुनिल देवकोटा आदि कलाकारको अभिनय रहेको छ l भिडिओका सिनेम्याटोग्राफर उत्सव दाहाल हुन् भने सम्पादन विकाश दाहालको रहेको छ l
आफ्नै देशमा श्रम गरे यहीं आर्थिक उन्नतिका सम्भावनाहरु धेरै छन् भन्ने सन्देश बोकेको यस भिडिओमा वैदेशिक रोजगारीबाट फर्किएको एक युवाले कृषिबाट गाउँमै आर्थिक सफलता हासिल गरेको कथा देखाईएको छ l जुन भूमिका राजेश हमालले निर्वाह गरेका छन् l भिडिओले विदेशबाट रेमिट्यान्स मात्र आउँदैन लाशले भरिएका बाकश पनि आउँछन् भन्ने भयावह यथार्थलाई पनि उजागर पारेको छ l
