मायामा शङ्का नगर्न आग्रह गर्दै पल र पूजा

-तुलसी गिरी ‘भावुक’


लोकप्रिय सङ्गीतकार राजकुमार बगरको सङ्गीतमा रहेको प्रेम समर्पण भावको गीत ‘किन शङ्का गर्छौ’ को भिडिओ बजारमा आएको छ l भिडिओ एकदिन अघि मात्र Shiva Darshan Films नामक युट्युब च्यानलबाट डिजिटल बजारमा आएको हो l गायत्री थापाको शब्दरचनामा रहेको यस गीतमा प्रमोद खरेल र मिलन नेवारले स्वर दिएका छन् भने गीतको मिक्सिङ / माष्टरिङ गीतका सङ्गीतकार समेत रहेका राजकुमार बगरले नै गरेका हुन् l

यस गीतको भिडिओ क्रान्ति के. सी. को निर्देशनमा निर्माण भएको हो l जसमा उत्सव दाहालको सिनेम्याटोग्राफी रहेको छ भने पल शाह र पूजा शर्माले अभिनय गरेका छन् l भिडिओ गीतकार स्वयमको लगानीमा निर्माण भएको थाहा भएको छ l गीतमा एक प्रेमी जोडीले एक अर्कालाई मायामा शङ्का नगर्न आग्रह गरेका छन् l