-उत्साह घिमिरे
लोकप्रिय गायिका एवम् नायिका तुलसी क्षेत्रीको पछिल्लो लोक तथा दोहोरी गीत ‘मोहनी फुकाई देऊ’ को भिडिओ तुलसी क्षेत्री अफिसियल युट्युब च्यानल मार्फत डिजिटल बजारमा आएको छ । जुन गीतमा स्वर तुलसी क्षेत्री, इन्द्र जिसी र पार्वती जिसीको, रचना तुलसी क्षेत्री र सङ्गीत इन्द्र जिसीको रहेको छ । यो लोक तथा दोहोरी गीत मायाप्रेममा केन्द्रीत रहेको छ ।
गीतमा एक अर्काको रुप, सुन्दरता, बोली, व्यवहार र आनीबानीले मोहनी लगाएकोले मोहनी फुकाईदेऊ भन्दै अनुनय बिनय गरिएको छ । भिजुवलमा गायक गायिका आपसमा निकै रोचक दोहोरी जुगलबन्दी गरि रोधीं नदिएको देखाइएको छ । गायक गायिका सँगै अन्य थुप्रै कलाकारहरुलाई पनि यस गीतको भिजुयलमा देख्न सकिन्छ । गीत र गीतको भिजुवल निकै दमदार बनेको छ । यसरी गीतको जुन मर्म छ त्यो मर्मलाई उत्तिकै न्याय गर्ने गरि भिडिओ वनाइदिएकोमा खुशी ब्यक्त गर्दै गायिका तुलसी क्षेत्रीले भिडिओ युनिटलाई धन्यवाद ब्यक्त गरेकी छिन् ।
यस भिडिओका निर्देशक होम तमु र छायाकार गणेश सापकोटा हुन् भने इडिटिङ सुवास अम्गाईले गरेका हुन् । जसको पोष्ट प्रोडक्सनको काम फलानो क्रियशनले गरेको छ । लामो समयदेखि लोक गायन र अभिनय मार्फत छुट्टै पहिचान बनाएकी तुलसी क्षेत्री गीत सङ्गीत र सिने जगतको गर्विलो नाम हो । समय सन्दर्भ अनुसारका गीत सङ्गीत पस्किरहने सरल र मिजासिलो स्वभावकी तुलसीको मायाप्रेम, बिछोड, बियोग सँगै तीज, दशैं, तिहार बिशेष थुप्रै गीतहरु पनि बजारमा आएका छन् । यो गीतले उनलाई थप पहिचान दिनेमा उनी बिश्वस्त रहेकी छिन् ।
बाला जोबन, ब्लाक एन्ड ह्वाइट, चामल चौलानी, झिलीमिली तिहार, नामर्द पोइ, सानु मायालाई, माइतैमा दिल बस्यो बरीलै, दुःख पाइँदो रैछ आदि उनीद्वारा स्वरबद्ध लोकप्रिय गीतहरू हुन् । गायन सङ्ग सङ्गै अभिनय कलामा पनि उत्तिकै पारङ्गत तुलसीले अग्निदहन, क्या बात चलचित्र र अन्य थुप्रै म्युजिक भिडिओमा अभिनय गरिसकेकी छिन् भने उनीद्वारा अभिनित चलचित्र ‘वडा अध्यक्ष’ रिलिज हुने क्रममा रहेको छ ।
