साहित्यकार एवं गीतकार गीता खत्रीको गीति एल्बम ‘यात्री’मा समावेश गीत ‘भरोसा छैन जीवनको’ को भिडिओ सार्वजनिक भएको छ । गीतमा गीतकार गीता खत्रीकै स्वर रहेको छ भने अभिनयमा पनि उहाँलाई देख्न सकिनेछ । सङ्गीत लोकप्रिय सङ्गीतकार हरि लम्सालको रहेको छ । अकोष्टिक स्टुडियोमा रेकर्डिङ भएको यस गीतमा मिक्सिङ/मास्टरिङ चन्द्र चौधरीको रहेको छ ।
भिडिओ पारिवारिक वातावरणमा बनेको छ । जसमा कमल बहादुर खड्का, मखमली खड्का, जेसिका सिजापती, वेदमणि अधिकारी आदि कलाकारको अभिनय रहेको छ । भिडिओ जयन्द्र कुँवरले खिच्नु भएको हो भने सम्पादन रणधिर श्रेष्ठको रहेको छ । त्यस्तैगरि निर्माण नियन्त्रण श्याम के.सी र भिडिओ डाइरेक्शन प्रतीक प्रसन्नको रहेको छ । भिडिओ भकारी एमडीसी युटुब च्यानल बेष्ट टोन म्युजिक मार्फत सार्वजनिक गरिएको छ ।
