प्रसिद्ध गायक माधव भण्डारीले लोकलयको नयाँ स्वादमा कृष्ण भजन ‘कृष्ण कालेले’ को भिडिओ बजारमा ल्याएका छन् l सुदूर पश्चिमको अत्यन्तै लोकप्रिय गीत ‘सुर्खेत बुलबुल ताल’ को भाकामा तयार पारिएको यस गीतको भिडिओ लाइभ प्रस्तुति शैलीमा छायाङ्कन भएको छ l
गीतमा गायक माधव भण्डारीलाई मादलमा कुमार लामिछाने र गोविन्दले, ढोलकमा दीपक समीपले, बाँसुरीमा करन परियारले, किबोर्डमा गेम थापाले र अक्टोप्याडमा प्रितम थापाले साथ दिएका छन् l मयुर लाइभ स्टुडियोमा रेकर्ड भएको यस गीतको भिडिओ भजन कुण्ड युट्युब च्यानलबाट बजारमा आएको हो l
