हिमालयन अन्तर्राष्ट्रिय अवार्ड-२०८० सम्पन्न भएको छ । वुमेन्स एरा एण्ड मिडिया ग्रुप नेपालको आयोजनामा अवार्डको चौथो संस्करण काठमाडौंमा एक भव्य र विशेष समारोहबीच रक्षमन्त्री हरिप्रसाद उप्रेतीको प्रमुख आतिथ्यतामा सम्पन्न भएको हो । समारोहमा विशिष्ट गायिका ज्ञानु राणालाई नगद राशीसहित दीर्घ साधाना सम्मान अर्पण गरिएको थियो । यस्तै सिक्किमका साहित्यकार जीवन शर्मालाई ‘हिमालयन गीत-सङ्गीत विशेष सम्मान’, चलचित्र निर्माता तथा अभिनेत्री रुश्मा राईलाई ‘हिमालयन चलचित्र विशेष सम्मान’ र वरिष्ठ साहित्यकार खेमनाथ दाहाललाई ‘हिमालयन विशेष साहित्य साधना सम्मान’ अर्पण गरिएको थियो । ‘भाषा, साहित्य, कला संस्कृतिका सर्जकको सम्मान, हाम्रो एक अभियान’ भन्ने मूल नाराका साथ सम्मपन्न भएको सो समारोहमा वरिष्ठ पत्रकार विजयरत्न तुलाधरलाई ‘हिमालयन पत्रकारिता रजत सम्मान’ नगद दश हजार राशीसहित प्रदान गरिएको थियो । यो पुरस्कारको रकम शम्भुजित सेभेन नोट्सले प्रायोजन गरेको थियो ।
यसैगरी वरिष्ठ पत्रकार शान्तिप्रियलाई ‘हिमालयन पत्रकारिता विशेष सम्मान’, विनोद देवकोटालाई ‘हिमालयन पत्रकारिता सम्मान’ र किरणप्रसाद अधिकारीलाई मोफसल पत्रकारिता सम्मान अर्पण गरिएको थियो । उहाँहरूलाई प्रमुख अतिथि मन्त्री उप्रेती, विशिष्ट कलाकार वसुन्धरा भुसाल, वरिष्ठ पत्रकार एवं साहित्यकार पुरुषोत्तम दाहाल, अवार्डका अध्यक्ष गणेश सुवेदी र संयोजक गीता अधिकारीले खादा, माला र सम्मानपत्रले सम्मान गर्नुभएको थियो ।
यस्तै, समारोहमा अपाङ्ग अधिकारकर्मी जगदिशप्रसाद अधिकारी, वरिष्ठ साहित्यकार हरि शर्मा, साहित्यकार रमेश दाहाल, युवा उद्यमी मिर्जा राशिद वेग, लोकदोहोरी गायिका शर्मिला तामाङ, सुनिता नेपाली, वरिष्ठ कस्मेटोलोजिस्ट मन्दिरा खड्का र व्यवसायी अभिशेख विक्रम शाहलाई सम्मान अर्पण गरिएको थियो ।
म्युजिक कम्पोजर साहस शाक्य, पत्रकार तुलसी गिरी ‘भावुक’, गायक महेन्द्रराज वराल र संजिवसिंह रानालाई जुरी प्रमाणपत्रद्वारा सम्मान गरिएको सो समारोहमा पाटन प्याथ ल्याव प्रा.लि., नोर्डिक एजुकेशन कन्सल्टेन्सी प्रा.लि. र सुमन ड्राइभिङ सेन्टरलाई आभार पत्र हस्तान्तरण गरिएको थियो ।
कार्यक्रममा सांस्कृतिक प्रस्तुति प्रस्तुत गर्ने शिव कैलाश कला मन्दिरका चेतकुमारी कार्की, रश्विता रिजाल, प्रतिज्ञा भण्डारी, कविन्द्र तामाङ र रोशन बुढाथोकीलाई कदर पत्र प्रदान गरिएको थियो । यस्तै सुमित रजक र छिरिङ भोटेलाई मायाको चिनो प्रदान गरिएको थियो । अवार्डका जुरी सदस्य वरिष्ठ सङ्गीतकार राजु सिंह, अफिसियल एमसी राजेश वर्देवा र प्रमुख अतिथि मन्त्री उप्रेतीलाई मायाको चिनो प्रदान गरिएको थियो ।
समारोहमा विभिन्न स्रष्टा-कलाकारलाई अवार्ड प्रदान तथा आ-आफ्नो क्षेत्रमा विशिष्ट योगदान पुर्याएका व्यक्तिलाई सम्मान गर्नु आफैँमा एकदम राम्रो कार्य भएको प्रमुख अतिथि मन्त्री उप्रेतीले बताउनुभयो ।
स्रष्टा-कलाकारलाई सम्मान गर्ने उद्देश्यले ४ वर्ष अघि सुरु गरेको अवार्डलाई यस वर्ष पनि निरन्तरता दिइएको अवार्डका अध्यक्ष सुवेदीले बताउनुभयो । भाषा, साहित्य कला संस्कृतिका सर्जकलाई सम्मान गर्ने उद्देश्यले अवार्डलाई निरन्तरता दिइएको अवार्ड संयोजक गीता अधिकारीले जानकारी गराउँदै कार्यक्रम सफल बनाउन आ-आफ्नो क्षेत्रबाट सहयोग पुर्याउने सबैमा धन्यवाद व्यक्त गर्नुभएको थियो । उहाँले आगामी संस्करण नेपाल बाहिर गर्ने तयारी रहेको पनि जानकारी गराउनुभयो । वुमेन्स एरा मिडिया ग्रुपकी अध्यक्ष प्रतिमा राईले अवार्डका विषयमा प्रकाश पार्नुभएको थियो ।
कार्यक्रममा राष्ट्रिय भावका गीतसँगै आधुनिक, पप, लोकदोहोरी र भजनका साथै भाषाभाषीका विधामा पनि अवार्ड प्रदान गरिएको थियो । उत्कृष्ट पाँचबाट सर्वोत्कृष्ट छनोट भएका स्रष्टा कलाकारलाई विभिन्न क्षेत्रका वरिष्ठ व्यक्तित्वहरूले अवार्ड प्रदान गर्नुभएको थियो ।
समारोहमा भजनमा ज्ञानेन्द्र गदाल ‘कृष्ण कन्हैया’, राष्ट्रिय गीतमा गोपालप्रसाद थपलिया ‘देशको माटो’, आधुनिक गीतकार पुरुषमा प्रकाश सुवेदी ‘फूल राम्रो सूर्यमुखी’, आधुनिक गीतकार महिलामा प्रतिमा गुरुङ ‘आमा बाबा’, सङ्गीतकार आधुनिकमा महेश्वर पन्त ‘ज्यूँदो देवता’ले अवार्ड प्राप्त गरेका थिए ।
यस्तै सङ्गीत संयोजन आधुनिकमा बलराम राजबंशी ‘माया हाम्रो’, आधुनिक गायकमा हेमन्त शिशिर ‘मेरो लागि तिमी’, आधुनिक गायिकामा समीक्षा अधिकारी ‘जीवनको रेल’, आधुनिक युगल गायनमा रमेश पाठक/रचना रिमाल ‘मयााकै पिर’, आधुनिक गीत निर्देशकमा सोनाम पाख्रिन ‘अधुरो सपना-२’, आधुनिक गीत मोडल पुरुषमा राज टाइगर ‘धरहरामा बस्यो माया जाल’ र आधुनिक गीत मोडल महिलामा सरस्वती खत्री ‘तिमीलाई ज्यान दिन्छु’बाट अवार्ड चुम्न सफल हुनुभयो ।
त्यस्तै, ध्वनि मिश्रणमा कुमार केसी ‘यहीं कतै’, छायाकारमा गंगाराम राई ‘सल्लेरी वनमा’, सम्पादकमा दिन्शन शाह ‘कृष्णजीकी राधा’, गजलमा डा. कृष्णहरि बराल ‘अचानक’ले अवार्ड उचालेका थिए । यसैगरी लोकपपमा सुरेन गौतम, ‘सल्लेरी पाखाहरू’, आधुनिक नव गायकमा स्याडरोज ‘अदृश्य माया’, आधुनिक नव गीतकारमा गणेश घिमिरे ‘देवता भाकी’, नव मोडल महिलामा एलिना थपलिया ‘तक्दीर’, लोक तथा दोहोरी गायकमा चेतबहादुर बुढाथोकी ‘रेलको बाटो’, लोक तथा दोहोरी गायिकामा काव्य आचार्य ‘ऐना काइँयो’ले अवार्ड प्राप्त गरे ।
त्यस्तै, लोक तथा दोहोरी शब्दमा कृष्णभारद्वाज ‘डम्बरकुमारी’, लोक तथा दोहोरी लयमा मदन नेपाली (सुफिक्स) ‘लाग्छ माया लाग्दैन’, लोक तथा दोहोरी गीत निर्देशनमा जनक सिंह ‘गरिदेऊ विदा’, लोक तथा दोहोरी मोडल पुरुषमा सागर लम्साल ‘पिरैले सुकाउँछ ज्यान’, लोक तथा दोहोरी मोडल महिला एन जेड शालु ‘लुकी लुकी’, टेलिचलचित्रमा रश्मि पाण्डे माकुरी ‘सक्किगो नि’ र शृङ्गारमा विक्रम गौतमले ‘भगवान कसम’बाट अवार्ड उचाल्नु भएको थियो ।
समारोहमा कल्चरल गीतमा छिरिङ लामा मोडललाई ‘ङन्जेन जोम्सेदु’, लोक तथा दोहोरी गीतमा सुमी पराजुली चुम्मा चपक्कै’, मोडल आधुनिकमा रोशन श्रेष्ठ ‘ओ लम्भी’, टेलि चलचित्रमा सरिता राजोपाध्यायले ‘बुहारी’बाट जुरी अवार्ड प्राप्त गर्नुभएको थियो भने सुवाशकुमार मण्डलले ‘हर स्वासमा’ इन्करेजमेन्ट अवार्ड र सुरज श्रेष्ठले लोकपप गीत ‘बेनी बजारमा’बाट पब्लिक च्वाईस अवार्ड प्राप्त गर्नुभएको थियो ।
समारोहमा चलचित्र कलाकार सङ्घका अध्यक्ष मोहन निरौला, विशिष्ट लोकगायक/सङ्कलक टंक के.सी., नेपाल सांस्कृतिक सङ्घका अध्यक्ष तीर्थ थापा, विशिष्ट कलाकार उत्तम केसी, गीतकार सङ्घका अध्यक्ष वसन्त वित्यासी थापा, गीतकार सङ्घका पूर्व अध्यक्ष चूडामणि देवकोटा, कलाकार ओम प्रतिक, नेपाल सांस्कृतिक सङ्घका महामन्त्री शिवशंकर रिजाल ‘जोगिन्दर’, महामन्त्री रोशनी केसी, चलचित्रकर्मी मनोज भेटवाल, गायिका देविका वन्दना, गायक शिशिर योगी, सङ्गीतकार सन्तोष श्रेष्ठ, नायक गजित विष्ट, चलचित्र वितरक गोपलकाजी कायस्थ, पत्रकार सुमन पण्डित, द्वन्द्व कलाकार सङ्घका अध्यक्ष नारायण प्रधान, निर्देशक माधवराज खरेललगायतले कार्यक्रममा अवार्ड प्रदान गर्नुभएको थियो ।
