valentine day अर्थात् प्रेम दिवसको अवसर पारेर गायक तथा सङ्गीतकार सौगात जङ्ग थापाले ‘तिम्रो मीठो मुस्कान’ बोलको नयाँ गीतको भिडिओ सार्वजनिक गरेका छन् । बाबुराम श्रेष्ठको शब्दरचना, सौगात जङ्ग थापाको सङ्गीत र सौगात जङ्ग थापा र सुरक्षा सेन्चुरीको आवाजमा रहेको सो प्रेमिल गीतको भिडिओ सार्वजनिक भएको हो ।
विशाल निरौलाको म्युजिक एरेन्ज र रञ्जन राईको मिक्सिङ रहेको उक्त गीतको भिडिओ U.K. को विभिन्न रमणीय ठाउँमा शुटिङ गरिएको कुरा थाहा भएको छ l जसमा कुशल श्रेष्ठको निर्देशन, छायाङ्कन र सम्पादन रहेको छ भने भिडिओ मन इन्टर्टेन्मेन्ट युट्युबबाट बजार आएको हो । भिडिओमा निस्मा बन र सजिन श्रेष्ठलाई फिचरिङ गरिएको छ l
विगत ६ बर्ष दखि सङ्गीत क्षेत्रमा आवद्ध भएर लागिपरिरहेका गायक थापाको जुनी जुनी, मैले गर्ने माया, हाम्रो माया जाल, दिलको छेउ कुनामा, कुरै कुरामा, माया बराबरी जस्ता गीतहरु बजारमा आइसकेका छन् । सिन्धुली जिल्ला, कमलामाई नगरपालिका २ मा जन्मिएका गायक यतिबेला काठमाण्डौ बसेर सङ्गीतमा सङ्घर्ष गरिरहेका छन् । जुनी जुनी, मैले गर्ने माया, कुरै कुरामा जस्ता गीत दर्शक/श्रोताले धेरै मन पराएका कारण काम गर्न हौसला मिलेको उनी बताउँछन् । उनले थुप्रै गीतमा सङ्गीत समेत गरेका छन् । कता हो घर, कर्के नजर र आदत बन्यौ बोलका गीत छिट्टै बजारमा आउने कुरा समेत गायक तथा सङ्गीतकार थापाले जानकारी गराएका छन् l
