पावर ईन्टरनेशनल मिडिया नेपाल (पिम नेपाल)को अध्यक्षमा माधबराज खरेल निर्वाचित भएका छन् । संस्थापक अध्यक्ष समेत रहेका खरेल चौथो साधारण सभा तथा दोस्रो चुनावी अधिवेशनबाट पुनः अध्यक्षमा निर्वाचित भएका हुन् ।
असोज २९ गते सोमबार राजधानीमा सम्पन्न निर्वाचनबाट अध्यक्षमा खरेल, बरिष्ठ उपाध्यक्षमा गायक पूर्ण बहादुर राई, प्रथम उपाध्यक्षमा गायक/सङ्गीतकार शंकर थापा ‘स्माईल’, द्वित्तीय उपाध्यक्षमा गायक आर्जन पाण्डे, महासचिवमा निर्माता एवम् सञ्चारकर्मी कमला कुमारी जोशी, उपमहासचिवमा मोडल तथा कलाकार प्रतिक्षा काफ्ले, सचिवमा गायक नारायण थापा, कोषाध्यक्षमा छायाकार राजन खरेल तथा सदस्यहरुमा राममणि ढकाल, सपना जोशी, नम्रता खरेल, समिर खान, कृष्णा आचार्य ‘रोशनी’ निर्वाचित भएका छन् ।
समारोहमा संस्थाले बार्षिक रुपमा विभिन्न ब्यक्तित्वहरुलाई गर्दै आईरहेको सम्मानलाई यो वर्ष पनि निरन्तरता दिएको छ । समारोहमा समाजका विभिन्न बिधामा उल्लेखनीय योगदान पुर्याएका व्यक्तित्वहरुलाई सम्मान समेत गरिएको थियो । जसमा शारीरिक सुगठनका गोल्ड मेडलिष्ट खेलाडी संजीव श्रेष्ठ, साहित्यकार अनु शाह, कोरियोग्राफर अश्विनीकान्त झा, महिला उद्यमी तथा चलचित्र निर्माता सारदा श्रेष्ठ, सञ्चारकर्मी, समाजसेवी तथा पिम नेपालका संस्थापक सचिव राजन थापा गायिका अनिता कुँवर, मोडल स्मारिका ढकाल र समाजसेवी गीता सिंह लगायतलाई सम्मान गरिएको हो । सम्मानित ब्यक्तित्वहरुलाई राष्ट्रगानका रचनाकार ब्याकुल माईला, वरिष्ठ चलचित्र लेखक/कलाकार तथा पिम नेपालका सल्लाहकार मोहन निरौला, सङ्गीतकार राजु शाह, वरिष्ठ चलचित्र पत्रकार शान्तिप्रिय, द्वन्द्व कलाकार सङ्घका अध्यक्ष नारायण प्रधान, गायक तथा पिम नेपालका सल्लाहकार सीताराम पोखरेल, चलचित्र निर्देशक समाजका महासचिव अरुण प्रधान र गायक तथा सङ्गीतकार कन्हैया सिंह परियारले सम्मान हस्तान्तरण गरेका थिए ।
संस्थाका कानुनी सल्लाहकार समेत रहेका अधिबक्ता हरि बहादुर कार्की प्रमुख निर्वाचन अधिकृत, रोयल्टी संकलन समाजका महासचिव बी. पाण्डे र पत्रकार जीवन पराजुली निर्वाचन अधिकृत रहेको टिमले नयाँ कार्यसमितिको निर्वाचन सम्पन्न गराएको हो ।
संस्थाले राष्ट्रिय समावेशी म्यूजिक अवार्ड (निम अवार्ड), पिम नेपाल फिल्म फेष्टिवल लगायत राष्ट्रिय रुपमा ख्याति कमाएका कार्यक्रमहरुको संचालन गर्दै आईरहेको छ । विशेषत नेपाली गीत-सङ्गीत, कला, साहित्य, भाषा, संस्कृति र सम्पादाको प्रवर्धनमा संस्था क्रियाशिल रहँदै आएको छ ।
सञ्चारकर्मी विष्णु सुवेदीले संचालन गरेको सो कार्यक्रममा वरिष्ठ पत्रकार बिजयरत्न तुलाधर, एनसिपीएका अध्यक्ष राजेन्द्र बजगाई, भरत बमजन, जुगल डंगोल, सन्तोष श्रेष्ठ, निर्देशक ऋषि लामिछाने, सुचित्रा श्रेष्ठ, दिनेश पाख्रिन, रश्मि भट्ट, बबिता श्रेष्ठ, लव प्याकुरेल, देबेन्द्र पाण्डे, सञ्चारकर्मीहरु कुवेर गिरी, डब्बु क्षेत्री, तुलसी गिरी ‘भावुक’, गीता अधिकारी, सानु श्रेष्ठ, सूर्य चन्द, रेडियोकर्मी हेम सुवेदी, कलाकार श्रीदेव भट्टराई, मोडल सनम कठायत, सङ्गीतकर्मी ज्योतिप्रकाश, राजेन्द्र पुरी, केन्जुमा सुब्बा, अमृत खाती, सामना शाह, ईन्जिनियर रमेश शिवशंकर, व्यावसायी विशाल खड्का, माउण्ट एभरेष्ट आरोही गीतकार पुरुषोत्तम सानु, फोटोग्राफर बद्रि थापा लगायतका विभिन्न लब्ध प्रतिष्ठित व्यक्तित्वहरुको सहभागिता रहेको थियो । कार्यक्रमको सभापतित्व वरिष्ठ कलकार तथा पिम नेपालका सल्लाहकार मोहन निरौलाले गरेका थिए ।
