एकताका नेपालमा महिला पप गायिकाको रुपमा ठूलो प्रसिद्धि कमाएकी गायिका नलिना चित्रकार हाल अमेरिकाको क्यालिफोर्नियामा श्रीमान र एक छोराको साथमा बस्छिन् । फेब्रुअरी १०, २०२१ मा उनीसँग तेजस्वी गिरीले टेलिफोन मार्फत गर्नुभएको वार्ताको सारांश यस्तो थियो-
म्युजिक
क्षेत्रको सुरुआत
आफ्नी दिदी र ठूलो
बुबाको गीति क्षेत्रमा अलिअलि चासो भएपनि नलिना नै परिवारको पहिलो सदस्य थिइन्, जसले नेपाली पप गीत गायनमा
एउटा नयाँ आयाम थपिन् । बहु प्रतिभाकी धनी नलिना, गीत गाउनुको अलावा गीत लेखन र सङ्गीत भर्न पनि उत्तिकै कुशल छिन् । विविध
भाषाहरुमा गीत गाएकी नलिनाका कतिपय गीतहरु सन्देशमूलक पनि छन्, ऐक्यवद्धताको पक्षमा ।
भारतको चण्डीगढ विश्व विद्यालयमा छात्रवृत्ति पाएर पनि बुबाले अनुमति नदिएका कारण म्युजिक पढ्न जान नपाएकोमा उनलाई निक्कै दु:ख लाग्छ । केटी भएर गीत गाउँदा वा रेकर्ड गर्दा आईपर्ने समस्याहरुसँग पनि उनी चिर परिचित छिन् । उदाहरणको लागि उनलाई नेपालमा रहँदा राती रातीसम्म बसेर गीत रेकर्ड गर्ने छुट थिएन l साँझ पर्नासाथ घर फर्किसक्नुपर्ने हुन्थ्यो ।
एल्बम र गीतहरु
आठवटा भन्दा बढी
एल्बमहरु प्रकाशन भईसकेका छन् भने करिव २०० भन्दा बढी गीतहरु गाईसकेकी छिन् उनले ।
सम्मान र पुरस्कारहरु
सन् १९९९ र २००५
मा नलिनाले नेपालको सर्वोत्तम पप गायिकाको उपाधि पाइन् l अहिले
विश्वका बिभिन्न देशहरुमा आयोजना हुने सभा समारोहहरुमा गीत गाउनका लागि उनलाई
बोलाईन्छ । छिन्नलता पुरस्कार गुठीले प्रदान गर्दै आएको ‘छिन्नलता’ लगायत अरु धेरै
पुरस्कारहरुले सुशोभित भएकी छिन् नलिना । अमेरिकी नेपालीहरुको सबैभन्दा पुरानो
संस्था एएनएको कन्फरेन्समा पनि उनले गीत गाईसकेकी छिन् ।
अमेरिकाको
बसाई र निरन्तरता
पछिल्लो समयमा
एल्बम र गीत निकाल्न नपाए पनि उनका केही गीतहरु भिडिओ सहित रिलिज हुने क्रममा छन् ।
कोविड-१९ प्यानडेमिक भन्दा अगाडि अमेरिका र क्यानडाका
बिभिन्न राज्यहरुमा कन्सर्ट र स्टेज प्रोग्राममा व्यस्त रहन्थिन् उनी । यूरोप, मध्यपूर्व, मलेशिया, कोरिया आदि देशमा पनि उनको माग भईरहन्थ्यो l त्यहाँ गएर
श्रोताहरुलाई भरपूर मनोरञ्जन दिनमै व्यस्त हुँदै आएकी थिईन् उनी । त्यो समय फेरि
छिट्टै फर्कने कुरामा उनी विश्वस्त छिन् l नेपालमा रहँदा भन्दा अमेरिका गएपछि
अन्तर्राष्ट्रिय जगतमा उनी अझ लोकप्रिय भएकी छिन् ।
फ्यानहरुलाई सन्देश
‘संसारभरि छरिएर बस्नुभएका मेरा शुभ-चिन्तकहरुलाई म के विश्वास दिलाउन चाहन्छु भने, म हराएकी छैन । केही सशक्त गीतहरु भिडिओ सहित छिट्टै श्रोतासामु आउँदैछु । सधैँ झैँ माया गरिदिनुहोला ।’
{ म्युजिक डायरी २०७८ बैशाख, अमेरिका विशेषाङ्कबाट }
