नेपाली, भोजपुरी, मैथिली लगायत विभिन्न भाषामा गीत गाएर साङ्गीतिक क्षेत्रमा लोकप्रिय बनिसकेका गायक रुद्रसेन विश्वकर्माको मैथिली गीत आबन बैठ भट्भटिया पऽ को भिडिओ सार्वजनिक भएको छ । गीतमा गायक रुद्रसेनकै शब्द र सङ्गीत रहेको छ ।
भिडिओ नीर कुमारी विश्वकर्मा (सविना) को लगानीमा निर्माण भएको हो भने यो गीत सर्जक/कलाकार रुद्रसेनकै नेपाली-मैथिली एल्बम प्रीतके बन्धन मा दोस्रो नम्बरमा रहेको छ l भिडिओ प्रदीप कुमार रसाइलीको निर्देशनमा तयार भएको हो ।
भिडियोमा नवीन गिरीले छायाङ्कन गरेका छन् । यस म्युजिक भिडियोमा रुद्रसेन विश्वकर्मा, लजिना सुवेदी, लिजा कौसल, पूजा ठाकुर, माहि खान, रोजिना क्षेत्री र सबिका भट्टराईलाई फिचर्ड गरिएको छ ।
भिडियोको अन्तिममा निर्मात्री सविनालाई पनि दमदार भूमिकामा ईन्ट्री गराइएको छ । यो भिडियो गायक रूद्रसेन विश्वकर्माकै अफिसियल युट्युब च्यानल Rudrasen Bishwakarma मार्फत सार्वजनिक गरिएको छ । तराइका चर्चित ६ जना मोडलहरुलाई एकैपटक भिडियोमा ल्याएका गायक रुद्रसेनका गीतहरु चर्चाको शिखरमा पुग्न सफल भएका छन् ।
लगातार एकपछि अर्को भिडियो नेपाली साङ्गीतिक क्षेत्रमा पस्कन सफल गायक विश्वकर्मा भर्सटायल गायकको रुपमा समेत परिचित छन् । दर्शकले उनको गीत खुबै रुचाउँछन् ।
