–तुलसी गिरी ‘भावुक’
साँस्कृतिक गीतको भिडियोका लागि नेपालमै पहिलो नम्बरका निर्देशकको रुपमा परिचय स्थापित गरेका याम गुरुङको निर्देशनमा भरखरै अर्को एउटा साँस्कृतिक गीत जाने कि नजाने को भिडियो सार्वजनिक भएको छ l वीरेन्द्र भाट ‘बिपिन’ को सिनेम्याटोग्राफी तथा सम्पादन रहेको यो भिडियो तीनदिन अघि मात्र ओएसआर डिजिटलबाट सार्वजनिक भएको हो l
तुलसी शाहीको शब्दरचना तथा सङ्गीत रहेको यो गीतमा विनोद बाजुरालीले सङ्गीत संयोजन गरेका छन् भने तुलसी शाही र खेम सेन्चुरीले स्वर दिएका छन् l भिडियोमा मुख्य मोडलको रुपमा रिना थापा मगर र बबिन सिंह ठकुरीलाई नृत्य / अभिनयमा देख्न सकिन्छ l भिडियो वर्ल्ड कभर मिडियाको पोष्ट प्रोडक्सनमा निर्माण भएको हो l
