विगत डेढ दशकदेखि नेपाली साङ्गीतिक क्षेत्रमा सक्रीय रहँदै आएका गीतकार, गायक तथा मोडल सुरेन्द्र लामिछानेको नयाँ शैलीको गीत पानी छल्काले को भिडियो सार्वजनिक भएको छ । अहिले चर्चाको शिखरमा रहेकी गायिका समीक्षा अधिकारी र प्रसाद लामिछानेको स्वरमा सजिएको यो गीतमा प्रसाद लामिछानेकै सङ्गीत रहेको छ भने गीत सुरेन्द्र आफैंले लेखेका हुन् ।
अजय रेग्मीको छायाङ्कन, प्रवीण भट्टको सम्पादन र कुमार केसीको निर्देशन रहेको यो भिडियोमा नम्रता सापकोटा, सुरेन्द्र लामिछाने र प्रल्हाद सुवेदीको अभिनय रहेको छ । आफूले निर्देशन गरेका धेरै म्युजिक भिडियो भन्दा यो अलि पृथक रहेको कुरा निर्देशक केसीले जानकारी गराएका छन् ।
