संख्यात्मक रुपमा थोरै भएपनि एक से एक गीत हिट भएपछि छोटो समयमै लोकप्रियताको शिखरमा पुगेका गायक सन्जिव पराजुलीको नयाँ गीत ‘नाइँ नाइँ हुन्न हुन्न’ को भिडियो सार्वजनिक भएको छ । गीतमा गायक पराजुलीलाई गायिका सुजाता उपाध्यायले साथ दिएकी छिन् । मानस राजको शब्दरचना र सङ्गीत रहेको यस गीतमा उदयराज पौडेलको सङ्गीत संयोजन रहेको छ । गीत एल्बम ‘उडान-२’ मा समावेश गरिएको छ ।
गायक सन्जिवको ‘नाइँ मलाई थाहा छैन’, ‘कर्के नजर’, ‘तिमी मलाई मन पर्छ’, ‘हिट हिट’, लगायतका गीतहरु अत्याधिक चर्चामा रहेका छन् भने गायिका सुजाताको ‘आएँ म त परेर चिटिक्कै’, ‘हात थामी’, ‘तिम्रो मौन इशारा’ लगायतका गीतहरुले लाखौं दर्शक श्रोताको मन जितेका छन् ।
हालै सार्वजनिक भएको यो गीत जति कर्णप्रिय छ गीतको भिडियो पनि उत्तिकै आकर्षक बनेको छ । मनमोहक लोकेशन अनि चर्चित डान्स ग्रुप ‘कार्टुन क्रिउ’ को प्रस्तुति रहेको यस गीतको भिडियो निकै अलग कन्सेप्टमा तयार गरिएको छ । डान्स ग्रुपका सदस्य सरोज अधिकारीको निर्देशनमा तयार भएको यस गीतको भिडियोलाई ज्ञानेन्द्र शर्मा हुमागाईले खिचेका हुन् भने भिडियोमा डान्स ग्रुपका सम्पूर्ण टिमको प्रस्तुति रहेको छ ।
भिडियोलाई टेकेन्द्र शाहले सम्पादन गरेका हुन् । लामो समय अघिदेखि अष्ट्रेलियालाई कर्मथलो बनाउँदै आएका सन्जिवले आफ्नै युट्युव च्यानल Sanjib Parajuli बाट भिडियो रिलिज गरेका छन् भने यो समाचार लेखिरहँदा भिडियोले लगभग साँढे २ लाखको हाराहारीमा भ्युज पाईसकेको छ ।
Video Link
