‘हाम्रो भाषा हाम्रो संस्कृति आफ्नै चाडपर्वको सम्मान, मौलिक गीत सङ्गीत सम्बृद्धिको हाम्रो यो अभियान’ भन्ने मूल नाराको साथ ‘छायाछवि तीज म्यूजिक अवार्ड’ भाद्र १२ गते आयोजना हुने भएको छ । उक्त अवार्ड कार्यक्रममा ‘छायाछवि नारी पत्रकारिता पुरस्कार’ रङ्ग पत्रकार शारदा थापालाई प्रदान गरिने भएको आयोजक संस्थाले प्रेस विज्ञप्ति मार्फत जानकारी गराएको छ । पत्रकार थापा विगत दुई दशकदेखि रङ्ग पत्रकारिता क्षेत्रमा क्रियाशील रहेकी छिन् ।
समारोहमा तीज गीतका सर्जक, कलाकार र प्राविधिकहरुलाई ३२ विधामा अवार्ड प्रदान गरिने छ भने कार्यक्रम सेलिब्रेसन ब्याङ्केट नक्सालमा आयोजना हुने छ ।
