नेपाली हिन्दू महिलाहरुको महान चाड तीज नजिकै आईरहेको बेला उपन्यासकार, कवि तथा गीतकार सुरेन्द्र महर्जन ‘अमर’ ले पनि तीजगीत ‘छमछमी नाच्ने कम्मरै भाँच्ने’ को भिडियो सार्वजनिक गरेका छन् । ‘अमर’ को शब्दरचना, राम कार्कीको सङ्गीत तथा सङ्गीत संयोजन र राम कार्की, सुरेश थापा, शान्ता कार्की र अनिता दंगालको स्वर रहेको यो गीतको भिडियो सुरेश थापाको निर्देशनमा तयार भएको हो । भिडियोमा सुरेश थापा ‘दर्शने’, अनिता दंगाल ‘मनमाया’, शान्ता कार्की, किरण नेपाल, भूवन के. पोख्रेल, शिव थापा र अश्मिता कार्कीको अभिनय रहेको छ भने अभिनय गर्ने कलाकार टोली ‘मधुशाला म्युजिक’ कौशलटारले उपलव्ध गराएको हो । भिडियोको छायाङ्कन एस. के. थापाले र सम्पादन सुरेश थापाले गरेका हुन् ।
कमेडी ड्रामा सहितको यो भिडियोमा तीजका नाममा भित्रिएका विकृतिहरुलाई देखाउंदै व्यंग्य गरिएको छ l पर्वलाई तडकभडक र तोडमोड नगरी सही समयमा आफ्नो आर्थिक क्षमता अनुसार मनाउनु पर्छ भन्ने सन्देश दिनका लागि भिडियोमा केही हास्य कलाकारहरुलाई समेत समावेश गरिएको कुरा गीतकार सुरेन्द्र महर्जन ‘अमर’ ले बताएका छन् । भिडियो Darshane Production नामक युट्युव च्यानल मार्फत बजारमा आएको छ ।
Video Link
