वर्ष दिनको तीज आउँदा मनै रमाइलो
दिदी बहिनी भेट हुँदा झनै रमाइलो
बजाइदेउ बरिलै मादलुको ताल
अर्को साल के हुन्छ के हुन्छ नाचौँ यसै साल
बुनु श्रेष्ठ र सिलु अधिकारीको स्वरमा रहेको तीजगीत ‘वर्ष दिनको तीज’ को भिडियो सार्वजनिक भएको छ l शान्ति प्रियको शब्दरचना, सन्तोष श्रेष्ठको सङ्गीत र नारायण डंगोलको सङ्गीत संयोजनमा रेकर्ड भएको यस गीतको भिडियो सुवोल थापाको कोरियोग्राफी तथा निर्देशनमा छायाङ्कन भएको हो l भिडियोका छायाकार सविन भट्टराई र सम्पादक रोशन दाहाल हुन् l भिडियोमा शब्ना आचार्यले प्रमुख मोडलको रुपमा नृत्य अभिनय गरेकी छिन् भने अन्य कोरस कलाकारहरुको साथमा गायिकाद्वय बुनु र सिलुले पनि साथ दिएका छन् l
Studio Soundmill नामक युट्युब च्यानलबाट सार्वजनिक भएको यो भिडियोले अपलोड भएको १ दिनमै १७ हजार भन्दा बढी भ्युज पाईसकेको छ l भिडियो गौरीघाटस्थित त्रिगजुर शिवालय परिसरमा छायाङ्कन भएको हो l यस गीतका रचनाकार शान्ति प्रिय र गायिका मध्येकी एक सिलु सञ्चार क्षेत्रका जानेमाने व्यक्ति हुन् l ‘प्रिय’ लामो समयदेखि पत्रकारिता सँगसँगै गीत लेखनमा समेत सक्रिय रहँदै आएका छन् भने सिलुले यसअघि केही संख्यामा गीत रेकर्ड गरेकी छिन् l स्वर राम्रै भएपनि गीत रेकर्ड गर्न त्यति जाँगर नचलाउने गरेकी सिलूले घर परिवार र साथीसङ्गीको प्रेरणाले गर्दा तीजगीत रेकर्ड गरेको जानकारी गराईन् l अर्को बर्षबाट तीजगीतलाई निरन्तरता दिने कुरा समेत उनले बताएकी छिन् l
भिडियो लिङ्क:
