विगत लामो समयदेखि जापान बस्दै आएका रक गायक सुदिप कुमार थकालीको गीति एल्बम ‘रक स्टार’ मा रहेको गीत ‘ओम् शान्ति ओम्’ को म्युजिक भिडियो सार्वजनिक भएको छ l विगत आठ वर्षदेखि जापानमा बस्दै आएका रक गायक सुदिप सानै उमेरदेखि गीत सङ्गीतका पारखी थिए l शास्त्रीय सङ्गीतदेखि लिएर विभिन्न विधाका सङ्गीत कक्षा लिएर सम्पूर्ण विधामा पोख्त रक गायक सुदिप कुमार एक शालीन तथा मिलनसार स्वभावका व्यक्ति हुन् l
रक गायक सुदिप कुमारको आफ्नै शब्द तथा सङ्गीत रहेको यस गीतमा शान्तिका सन्देशहरु प्रवाह गरिएको छ l नियोन क्रिएसनले भिडियो बजारमा सार्वजिनक गरेको हो भने भिडियोमा गायक स्वयम् तथा उनका ब्याण्ड मेम्बरलाई देख्न सकिन्छ l
यस गीतको भिडियोले दर्शक स्रोताहरुको मन जित्ने कुरामा विश्वास लिएका रक गायक सुदिप कुमार ‘ओम् शान्ति ओम्’ ले नेपाली साङ्गीतिक आकाशको रक गायनमा नौलो आयाम थप्ने कुरामा विश्वस्त छन् l साथै गीतको भिडियो हेरेर अमूल्य कमेन्ट गर्नका लागि समेत उनले दर्शक-स्रोतालाई आग्रह गरेका छन् l आफू संसारको जुनसुकै मुलुकमा रहेपनि नेपाली गीत सङ्गीतलाई माया गर्दै भविष्यमा पनि श्रोता दर्शकहरुको रुचीका गीत र म्युजिक भिडियो लिएर नेपाली आउने कुरा उनी बताउँछन् l
