संजिव पराजुली र टिका प्रसाईंको स्वरमा रहेको युगल गीत ‘नाईं मलाई थाहा छैन’ को भिडियो युट्युबमा २ करोड ५० लाख पटकभन्दा बढी हेरिएपछि खुशियाली उत्सव मनाईएको छ l यो भिडियो २०१७ को फेब्रुअरीमा युट्युब अपलोड भएको थियो l यस गीतका संगीतकार तथा संगीत संयोजक आशिष अविरलको रागा रेकर्दिंग स्टुडियोको कक्षमा आयोजित खुशियाली उत्सवमा गायिका टिका प्रसाईं लगायत गीतसँग सम्बन्धित सर्जक, कलाकारहरुले संयुक्त रुपमा केक काटेका थिए l गायक संजिव पराजुली अष्ट्रेलियामा भएका कारण उनकी ३ वर्षीय छोरी शालीन पराजुलीले संजिवको प्रतिनिधित्व गरेकी थिईन् l
कार्यक्रममा गीतकार एकनारायण भण्डारी, संगीतकार तथा संगीत संयोजक आशिष अविरल, भिडियोमा डान्स गर्ने कार्टुन क्रुज समूहका सरोज अधिकारी, आश्मा विश्वकर्मा लगायत संचारकर्मीहरुको उपस्थिति रहेको थियो l गायक संजिवले भिडियो च्याट मार्फत नै अष्ट्रेलियाबाट आफ्ना कुराहरु राखेका थिए l
यो गीतको भिडियो युट्युब ट्रेनडिंगमा १५ दिन सम्म १ नम्बरमा रहेको थियो l जुन कुरा आफैंमा एउटा गौरवशाली इतिहास हो l ‘नाईं मलाई थाहा छैन’ एल्बमका रुपमा प्रकाशित गीत मध्येमा हालसम्म नै युट्युबमा सबैभन्दा बढी भ्युज पाउने गीत हो l
गायक संजिव र टिकाको स्वरमा रहेका गीतहरु ‘तिमी मलाई मन पर्छ, पहिलो भेटैमा, अलिअलि गर्दै र हिटहिट’ पनि चर्चामा रहेका छन् भने टिकाको एकल स्वरमा रहेको अर्को गीत ‘माया लुकीलुकी’ ले पनि यतिबेला युट्युबमा अर्को इतिहास बनाउने संकेत देखाईरहेको छ l
