सलिन र अभिषेकको “पछुतो” सार्वजनिक

ज्याज प्रोडक्सनको प्रस्तुतिमा गायकद्वय सलिन मगर र अभिषेक कार्कीको पहिलो म्युजिक भिडियो “पछुतो” सार्वजनिक भएको छ l सलिन र अभिषेककै सङ्गीत रहेको “पछुतो” मा जगन्नाथ धुगोदाको तबला, मिलन घिमिरेको बाँसुरी र प्रविन खड्काले ड्रम बजाएका छन् भने गायक सलिन र अभिषेक आफैले गितार तथा किबोर्ड साथै बिनायमान अमात्यले बेश गितार बजाएका छन् l लामो समयदेखि कभर गीत गाउँदै आएका सलिन र अभिषेकको आधिकारिक रूपमा सार्बजनिक भएको यो पहिलो गीत हो l

वेस्टर्न र इस्टर्न शैलीको फ्युजन रहेको यो गीतलाई छोटो समयमा नै दर्शकहरुले धेरै रुचाइसकेका छन् l मानिसले आफ्नो जीवनमा चाहेर नचाहेर गरेका भूलबाट पाठ सिक्दै पछुताएको काहानी गीतको शब्दमा निकै भावुक तथा रोमान्चक तरिकाले गायकद्वय सलिन र अभिषेकले पस्केका छन् l गतहप्ता युट्युबबाट सार्वजनिक भएको “पछुतो”ले शत प्रतिशत सकरात्मक प्रतिक्रिया पाइरहेको छ l

नेपाली सांगीतिक क्षेत्रमा फरक प्रकारको प्रस्तुति दिन खोजेका सलिन र अभिषेकको दोश्रो गीत पनि छिट्टै बजारमा आउन लगेकोको कुरा गायक द्वयले जानकारी दिए