नेपाली नारीहरुको महान पर्व हरितालिका तिजको पूर्व सन्ध्यामा गायक अमितबाबु रोकाया र गायिका मिनु विश्वकर्माको आवाजमा रहेको नयाँ तीजगीत बजारमा सार्वजनिक भएको छ । बुर्तिबाङ म्युजिक प्रा. लि. र धुर्बे धुर्बेनी फिल्म प्रा. लि. को प्रस्तुतिमा मोहन विरही श्रीपाली र दिलिप रसाइलीको मौलिक तिजको कोशेली“नाच मायालु” को भिडियो डिजिटल बजारमा सार्वजनिक भएको हो ।
तीजमा खासगरी नेपाली नारीहरुको पीडा, ब्यथा र नारी मनसंग सम्बन्धित भावनाहरुलाई गीतको विषयवस्तु बनाउने गरिन्छ । यस गीतमा नेपाली मौलिक परम्परालाई रमाइलो पारामा समेट्ने प्रयास गरिएको छ । गीतमा दिलिप रसाइली र बुर्तिबाङ म्युजिक प्रा. लि. का प्रवन्ध निर्देशक मोहन विरही श्रीपालीको शब्द सिर्जना रहेको छ । भिडियोलाई अर्जुन कुमार सुनारले क्यामेरामा कैद गरेका छन् भने निर्देशन गोविन्द विवसको र भिडियो सम्पादन अमर बि. क. को रहेको छ l भिडियोमा धुर्बे, धुर्बीनी, खेम बहादुर मगर र विमला बुढाथोकीको अभिनय रहेको छ ।
