केटी : आज म तिमीलाई
म भित्रको सिङ्गो विश्वास दिन्छु
तिमीले यसलाई जतन गरि साँच्नु
केटा : मेरा सबै खुशीहरू
तिम्रो बाटोभरि ओछ्याई दिन्छु
खुशीहरू समेटेर ओठभरि हाँस्नु
वरिष्ठ गीतकार श्रीपुरुष ढकालको शब्द, लोकप्रिय सङ्गीतकार सन्तोष श्रेष्ठको सङ्गीत अनि गायक रवि थापा मगर र अन्जु पन्तको स्वरमा रहेको गीत ‘आज म तिमीलाई’ को भिडियो सार्वजनिक गरिएको छ । भिडियो म्युजिक नेपालको युट्युब च्यानलबाट सार्वजनिक भएको हो । विशेषगरी माया प्रेमको गहिराईमा पुगेर रचना गरिएको संयोगान्त भावको यो गीतमा प्रेमी प्रेमिका बीचको समर्पणलाई जीवन्त बनाईएको छ । गीतमा गहिरो प्रेम र विश्वास सहितका भावहरु एक अर्काप्रति व्यक्त भएका छन् । सिर्जना र प्रस्तुतिको मीठो संयोजन भएको यो गीत श्रुतिमाधुर्य छ ।
हेम प्रभासको निर्देशन, मुकेश हुमागाईको छायाङ्कन र टेकेन्द्र शाहको सम्पादन रहेको यस गीतको भिडियोमा शिल्पा पोख्रेल र सनम कठायतको जोडीले गीतको भावपरक अभिनय गरेका छन् ।
Video Link
